Jyl saiyn temeki shegýden 8 mln adam kóz jumady, dep habarlaidy "Ult aqparat" QR DSM Qoǵamdyq densaýlyq saqtaý ortalyǵyna silteme jasap.
«Temeki shegýden milliondaǵan adam ókpe obyrymen, týberkýlezben, demikpemen nemese ókpeniń sozylmaly aýrýlarymen aýyrady. Temeki shegý – bul júrek-qan tamyrlary aýrýlarynyń (infarkt, insýlt), erlerde erektildi disfýnktsiia, teriniń erte qartaiýy, sondai-aq júktiliktiń qolaisyz nátijesi jáne júkti áielderde bolashaq balanyń densaýlyǵy úshin táýekel faktory», - delingen baspasóz habarlamasynda.
Temeki shegý – bronh-ókpe, onkologiialyq jáne basqa da sozylmaly aýrýlardyń qaýipti faktorlarynyń biri.
«Temeki shegýden bas tartqannan keiin 1-9 ai ishinde jótel men entigý azaiady. 10 jyldan keiin sizde ókpe obyrynyń damý qaýpi shylym shegýshige arnalǵan osyndai táýekelmen salystyrǵanda eki ese tómendeidi, sondai-aq sizde aýyz qýysy, tamaq, óńesh, qýyq, jatyr moiny jáne uiqy bezi obyrynyń damý qaýpi tómendeidi. 15 jyldan keiin júrektiń ishemiialyq aýrýynyń damý qaýpi temeki shekpeitin adamnyń qaýip deńgeiine deiin tómendeidi», - deidi mamandar.
Sondai-aq, adam temeki shegýden bas tartsa, ziian ádetpen bailanysty densaýlyqtaǵy problemalar damýyn toqtatyp, impotentsiia yqtimaldyǵyn, júktilik, merziminen buryn bosaný, dene salmaǵy tómen balalardyń týylýy men túsik tastaý máselelerin tómendetedi.
