2024 jylǵa deiin aktsizderdiń kóterilýimen temekiniń baǵasy da ósedi. Bul týraly premer-ministrdiń orynbasary – qarjy ministri Erulan Jamaýbaev málimdedi, dep habarlaidy Sputnik Qazaqstan.
Ministrdiń aitýynsha, eki jyldyń ishinde temeki aktsizdary 35 eýroǵa deiin kóteriledi.
Osylaisha, 1 000 dana sigarettiń aktsizi, shamamen, 16 myń teńge bolady.
"Sonda osy somany aldymen 1 000 sigaretke bólip, odan keiin bir pachkada bolatyn 20 sigaretke kóbeitseńiz, shamamen, 300-350 teńge shyǵady. Bir pachka sigarettiń aktsizi sondai bolady", - dedi Jamaýbaev Senat otyrysynan keiingi brifingte.
Sondai-aq, qazirgi kezde Úkimette quramynda qanty bar sýsyndardyń aktsizin kóterý máselesi talqylanyp jatyr. Ázirshe, naqty bir sheshim joq.
"Aktsizdiń mólsherlemesi boiynsha bir kelisimge kelgen boida mindetti túrde habarlaimyz. Sosyn Parlamentke kelemiz. Ázirshe, osy másele talqylanyp jatyr", - dep atap kórsetti Jamaýbaev.
Osy oraida ministr Úkimettiń negizgi ustanymyn jariialady. Bir jaǵynan halyqtyń densaýlyǵyn saqtaý qajet, ekinshi jaǵynan kásipkerlerge salmaq túspeýi kerek.
