Foto: ashyq derekkóz
Telegram Ortalyq Aziiadaǵy jetekshi innovatsiialyq klasteri Astana Hub-tyń qatysýshysy mártebesin aldy, dep habarlaidy Ult.kz.
Telegram – derekter qaýipsizdigi, turaqtylyq, jyldamdyq pen aýqymdylyqqa basymdyq beretin táýelsiz tehnologiialyq platforma. Búginde ol álem boiynsha eń kóp júkteletin bes qosymshanyń qatarynda. Ai saiyn platformaǵa bir milliardtan astam belsendi qoldanýshy kiredi.
"Telegram ishindegi Mini Apps veb-qosymshalary arqyly túrli servis, marketpleister men oiyndar qurýǵa bolady. Bul quraldar ai saiyn 500 millionnan astam qoldanýshyny tartady. 2024 jyly kompaniia ishki valiýta –Telegram Stars-ty iske qosty. Qosymsha ázirleýshileri bul valiýtany Toncoin-ge aiyrbastai alady. Platforma tsifrlyq qaýipsizdik qaǵidattaryna adal, iaǵni tirkelý kezinde jeke derek talap etilmeidi, bastapqy kody ashyq, al shifrlaý hattamasy aýditke qoljetimdi", – delingen habarlamada.
Sondai-aq Astana Hub ekojúiege qosylý arqyly Telegram úshin birlesken jobalardy iske asyrýǵa, tájiribe almasýǵa jáne ishki ári jahandyq naryqqa arnalǵan tsifrlyq ónimderdi damytýdyń jańa múmkindigin usynyp otyr.
Aita keteiik, byltyr maýsym aiynda Telegram-nyń negizin qalaýshy Pavel Dýrov QR Tsifrlyq damý, innovatsiialar jáne aeroǵarysh ónerkásibi ministri Jaslan Mádievtiń shaqyrýymen Qazaqstanǵa keldi. Sapar aiasynda ol Astana Hub-ty aralap, klaster infraqurylymymen, IT-kompaniialarǵa arnalǵan qoldaý baǵdarlamalarymen jáne jergilikti naryqtyń áleýetimen tanysty. Nátijesinde Telegram-nyń resmi keńsesi Astana Hub aýmaǵynda ashyldy.
