فوتو: اشىق دەرەككٶز
Telegram ورتالىق ازيياداعى جەتەكشٸ يننوۆاتسييالىق كلاستەرٸ Astana Hub-تىڭ قاتىسۋشىسى مەرتەبەسٸن الدى, دەپ حابارلايدى Ult.kz.
Telegram – دەرەكتەر قاۋٸپسٸزدٸگٸ, تۇراقتىلىق, جىلدامدىق پەن اۋقىمدىلىققا باسىمدىق بەرەتٸن تەۋەلسٸز تەحنولوگييالىق پلاتفورما. بٷگٸندە ول ەلەم بويىنشا ەڭ كٶپ جٷكتەلەتٸن بەس قوسىمشانىڭ قاتارىندا. اي سايىن پلاتفورماعا بٸر ميللياردتان استام بەلسەندٸ قولدانۋشى كٸرەدٸ.
"Telegram ٸشٸندەگٸ Mini Apps ۆەب-قوسىمشالارى ارقىلى تٷرلٸ سەرۆيس, ماركەتپلەيستەر مەن ويىندار قۇرۋعا بولادى. بۇل قۇرالدار اي سايىن 500 ميلليوننان استام قولدانۋشىنى تارتادى. 2024 جىلى كومپانييا ٸشكٸ ۆاليۋتا –Telegram Stars-تى ٸسكە قوستى. قوسىمشا ەزٸرلەۋشٸلەرٸ بۇل ۆاليۋتانى Toncoin-گە ايىرباستاي الادى. پلاتفورما تسيفرلىق قاۋٸپسٸزدٸك قاعيداتتارىنا ادال, ياعني تٸركەلۋ كەزٸندە جەكە دەرەك تالاپ ەتٸلمەيدٸ, باستاپقى كودى اشىق, ال شيفرلاۋ حاتتاماسى اۋديتكە قولجەتٸمدٸ", – دەلٸنگەن حابارلامادا.
سونداي-اق Astana Hub ەكوجٷيەگە قوسىلۋ ارقىلى Telegram ٷشٸن بٸرلەسكەن جوبالاردى ٸسكە اسىرۋعا, تەجٸريبە الماسۋعا جەنە ٸشكٸ ەرٸ جاھاندىق نارىققا ارنالعان تسيفرلىق ٶنٸمدەردٸ دامىتۋدىڭ جاڭا مٷمكٸندٸگٸن ۇسىنىپ وتىر.
ايتا كەتەيٸك, بىلتىر ماۋسىم ايىندا Telegram-نىڭ نەگٸزٸن قالاۋشى پاۆەل دۋروۆ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ جاسلان مەديەۆتٸڭ شاقىرۋىمەن قازاقستانعا كەلدٸ. ساپار اياسىندا ول Astana Hub-تى ارالاپ, كلاستەر ينفراقۇرىلىمىمەن, IT-كومپانييالارعا ارنالعان قولداۋ باعدارلامالارىمەن جەنە جەرگٸلٸكتٸ نارىقتىڭ ەلەۋەتٸمەن تانىستى. نەتيجەسٸندە Telegram-نىڭ رەسمي كەڭسەسٸ Astana Hub اۋماعىندا اشىلدى.
