Foto: ashyq derekkóz
QR Jasandy intellekt jáne tsifrlyq damý ministrligi Bas prokýratýranyń úilestirýimen qazaqstandyqtardy telefon alaiaqtarynan qorǵaý sharalaryn kúsheitip jatyr, dep habarlaidy Ult.kz.
Buǵan deiin birqatar memlekettik qyzmetter men aqparattyq júielerge kirý tek SMS arqyly jiberiletin bir rettik kodpen rastalatyn. Alaiaqtar osyny paidalanyp, «jábirlenýshiniń» telefon nómirin engizip, 1414 nómirinen rastaý kodyn jibertip otyrǵan.
Osy olqylyqtyń aldyn alý úshin aqparattyq júie ielerine 1414 nómirinen SMS jiberý tetigin qoldanýǵa qoiylatyn talaptar kúsheitildi.
Endi 1414 SMS-shliýzin paidalanatyn memlekettik júielerge qoljetkizý tek:
-
biometriialyq aýtentifikatsiia (FaceID),
-
elektrondyq tsifrlyq qoltańba (ETsQ),
-
nemese eGov QR arqyly ǵana múmkin bolady.
Jańa mindetti talaptardy jeltoqsan aiyna deiin engizbegen aqparattyq resýrstar 1414 SMS-shliýzin paidalaný qyzmetinen ajyratylady.
Ministrlik memlekettik organdarmen birlesip, alaiaqtyqqa qarsy kúres pen azamattardyń jeke derekterin qorǵaýǵa baǵyttalǵan júieli jumysty jalǵastyryp keledi.
Sonymen qatar eGov Mobile qosymshasyna kúdik týdyratyn áreketterdi taný, kibergigienany saqtaý jáne tsifrlyq servisterdi qaýipsiz paidalaný jónindegi nusqaýlyqtary kórsetilgen aqparattyq bannerler ornalastyryldy.
