فوتو: اشىق دەرەككٶز
قر جاساندى ينتەللەكت جەنە تسيفرلىق دامۋ مينيسترلٸگٸ باس پروكۋراتۋرانىڭ ٷيلەستٸرۋٸمەن قازاقستاندىقتاردى تەلەفون الاياقتارىنان قورعاۋ شارالارىن كٷشەيتٸپ جاتىر, دەپ حابارلايدى Ult.kz.
بۇعان دەيٸن بٸرقاتار مەملەكەتتٸك قىزمەتتەر مەن اقپاراتتىق جٷيەلەرگە كٸرۋ تەك SMS ارقىلى جٸبەرٸلەتٸن بٸر رەتتٸك كودپەن راستالاتىن. الاياقتار وسىنى پايدالانىپ, «جەبٸرلەنۋشٸنٸڭ» تەلەفون نٶمٸرٸن ەنگٸزٸپ, 1414 نٶمٸرٸنەن راستاۋ كودىن جٸبەرتٸپ وتىرعان.
وسى ولقىلىقتىڭ الدىن الۋ ٷشٸن اقپاراتتىق جٷيە يەلەرٸنە 1414 نٶمٸرٸنەن SMS جٸبەرۋ تەتٸگٸن قولدانۋعا قويىلاتىن تالاپتار كٷشەيتٸلدٸ.
ەندٸ 1414 SMS-شليۋزٸن پايدالاناتىن مەملەكەتتٸك جٷيەلەرگە قولجەتكٸزۋ تەك:
-
بيومەترييالىق اۋتەنتيفيكاتسييا (FaceID),
-
ەلەكتروندىق تسيفرلىق قولتاڭبا (ەتسق),
-
نەمەسە eGov QR ارقىلى عانا مٷمكٸن بولادى.
جاڭا مٸندەتتٸ تالاپتاردى جەلتوقسان ايىنا دەيٸن ەنگٸزبەگەن اقپاراتتىق رەسۋرستار 1414 SMS-شليۋزٸن پايدالانۋ قىزمەتٸنەن اجىراتىلادى.
مينيسترلٸك مەملەكەتتٸك ورگاندارمەن بٸرلەسٸپ, الاياقتىققا قارسى كٷرەس پەن ازاماتتاردىڭ جەكە دەرەكتەرٸن قورعاۋعا باعىتتالعان جٷيەلٸ جۇمىستى جالعاستىرىپ كەلەدٸ.
سونىمەن قاتار eGov Mobile قوسىمشاسىنا كٷدٸك تۋدىراتىن ەرەكەتتەردٸ تانۋ, كيبەرگيگيەنانى ساقتاۋ جەنە تسيفرلىق سەرۆيستەردٸ قاۋٸپسٸز پايدالانۋ جٶنٸندەگٸ نۇسقاۋلىقتارى كٶرسەتٸلگەن اقپاراتتىق باننەرلەر ورنالاستىرىلدى.
