Foto: aigptjournal.com
20 mamyrda ótken Google I/O 2025-te kompaniia jasandy intellekti qoldanýdaǵy tańqalarlyq jańalyqtaryn jaiyp saldy. Bul týraly Ult.kz habarlaidy.Sharada jańa robot tanystyrylmasa da, Gemini, Veo 3, Image 4 jáne Android xr platformalary sózsiz jańalyq boldy. Eki saǵattyq tanystyrylymda Google jasandy intellekti izdeý fýnktsiiasyna, qoldanbalarǵa jáne qurylǵylarǵa biriktirý josparlary aityldy.
Barshaǵa arnalǵan AI Mode
Google Search júiesinde jańa AI Mode qosymsha paida boldy. Ol izdeý Gemini chat-boty arqyly júzege asady. Endi bul fýnktsiia AQSh-taǵy barlyq paidalanýshylarǵa qoljetimdi.
Bul — dástúrli izdeý júielerimen básekelesý baǵytyndaǵy qadam, óitkeni Google endi jaýaptardy áńgimelesý formasynda usynady. Kompaniianyń aitýynsha, qazir paidalanýshylar burynǵyǵa qaraǵanda 2–3 ese uzaq suraqtar qoiatyn bolǵan.
Mundai izdeý júiesi Gemini-ge negizdelgen, ol suraqtardyń jaýabyn jyldamyraq ári dálirek taldaidy. Qazirgi kezde bul múmkindik AQSh-pen shektelgen, biraq tanystyrylym barysynda AI Mode jaqyn ýaqytta keńinen qoljetimdi bolady degen jospar bar ekeni aityldy.
AI Ultra — Google usynǵan jańa qymbat II tarifi
Aiyna 250 dollar (130 myń teńge) turatyn jańa AI Ultra tarifi jetildirilgen Gemini modelderine, joǵary limitterge jáne jańa múmkindikterge erte qol jetkizýge múmkindik beredi. Mysaly, jazylýshylar úshin Gemini-di Chrome jáne Project Mariner-di paidalaný múmkindigi ashylady.
Foto: Sabrina Ortiz/Getty Images
Google Meet jáne dereý aýdarma
Google Meet naqty ýaqyt rejiminde sóilesýdi aýdaratyn jańa fýnktsiiany iske qosty. Iaǵni ár túrli tilde sóilesip otyrǵan adamdar birin biri kedergisiz lezde túsine alady. Qazir bul múmkindik AI Pro jáne Ultra jazylym ielerine arnalǵan beta-nusqada qoljetimdi. Qazirgi ýaqytta tek aǵylshyn tilinen ispan tiline aýdarady. Alaida bul fýnktsiia qazirdiń ózinde lezde qarym-qatynas jasaýǵa múmkindik beredi. Bolashaqta Google osy múmkindikti beretin tilderdiń tizimin keńeitýdi josparlap otyr.
Aýdarma birqalypty jumys isteidi eken, sebebi dialogta barynsha az kidiris bolýy kerek degen mamandar, bul tabiǵi qarym-qatynas úshin óte mańyzdy ekenin aitady. Munyń barlyǵy internetpen bailanystyń jaqsy bolýyna bailanysty.
Project Starline ornyna — Google Beam
2021 jyly tanystyrylǵan Project Starline qazir Google Beam dep atalady. Bul — jaryq órisi displeii men alty kamerasy bar qurylǵy, ol beineqońyraý kezinde áńgimelesýshiniń naqty 3D beinesin jasaidy.
Google bul qurylǵyny shyǵarý úshin HP kompaniiasymen seriktesip, alǵashqy úlgilerin biylǵy jyly naryqqa shyǵarmaq. Deloitte, Duolingo, Salesforce siiaqty iri kompaniialar ony keńselerinde paidalanýdy josparlap otyr.
Google-dyń bul tehnologiiasy qashyqtan ótkiziletin kezdesýlerdi betpe-bet sóileskendei shynaiy etip jetkizýge ýáde beredi. Qurylǵy mimikaǵa deiingi eń usaq detaldardy berýge qabiletti jáne naqty ýaqyttaǵy aýdarmasy bar Google Meet platformasyn qoldaidy.
Foto: Google
Gemini Chrome-da
21 mamyrdan bastap Google AI Pro jáne AI Ultra jazylýshylary Gemini-ge tikelei Chrome sholǵyshy arqyly qol jetkize alady. Bul II kómekshi veb-betterdi taldap, mazmundy qysqasha qorytyndylap, tipti saittar arasynda navigatsiia siiaqty tapsyrmalardy oryndai alady.
Qazir bul fýnktsiia eki qoldanbamen qatar jumys isteidi, biraq Google limitterdi keńeitýdi josparlap otyr.
