Foto: ashyq derekkóz
1 qyrkúiekten bastap tehnikalyq jáne kásiptik bilim berý uiymdaryna arnalǵan jan basyna shaqqandaǵy qarjylandyrý kólemi 2 ese artady, dep habarlaidy Ult.kz.
QR Úkimeti tehnikalyq jáne kásiptik bilim berý uiymdaryn qarjylandyrýdyń jańa normativin qabyldady.
Jan basyna shaqqandaǵy normativtik qarjylandyrýdyń qoldanystaǵy ádistemesine sáikes, bir stýdentti oqytýǵa bólinetin ortasha qarajat kólemi 437 myń teńgeni qurap keldi, endi ol orta eseppen 912 myń teńge kóleminde bolady.
Jańa qarjylandyrý normativi negizgi jáne yntalandyrýshy tólem bólikterinen turady. Yntalandyrýshy tólemder naqty kórsetkishterge qol jetkizgen kolledjderge beriledi.
Bul jańa qarjylandyrý júiesi básekege qabiletti mamandardy daiarlaýǵa, bilim berý uiymdaryn zamanaýi materialdyq-tehnikalyq jabdyqtarmen qamtamasyz etýge, pedagogterdiń biliktiligin arttyrý kýrstaryn uiymdastyrýǵa múmkindik beredi.
Sonymen qatar, kolledjderdiń oqý-óndiristik sheberhanalarynda óndirilgen ónimdi satylymǵa shyǵarý mehanizmi qarastyrylyp jatyr. Óndiristen túsken tabys bilim berý uiymdaryn damytýǵa baǵyttalatyn bolady.
