فوتو: اشىق دەرەككٶز
1 قىركٷيەكتەن باستاپ تەحنيكالىق جەنە كەسٸپتٸك بٸلٸم بەرۋ ۇيىمدارىنا ارنالعان جان باسىنا شاققانداعى قارجىلاندىرۋ كٶلەمٸ 2 ەسە ارتادى, دەپ حابارلايدى Ult.kz.
قر ٷكٸمەتٸ تەحنيكالىق جەنە كەسٸپتٸك بٸلٸم بەرۋ ۇيىمدارىن قارجىلاندىرۋدىڭ جاڭا نورماتيۆٸن قابىلدادى.
جان باسىنا شاققانداعى نورماتيۆتٸك قارجىلاندىرۋدىڭ قولدانىستاعى ەدٸستەمەسٸنە سەيكەس, بٸر ستۋدەنتتٸ وقىتۋعا بٶلٸنەتٸن ورتاشا قاراجات كٶلەمٸ 437 مىڭ تەڭگەنٸ قۇراپ كەلدٸ, ەندٸ ول ورتا ەسەپپەن 912 مىڭ تەڭگە كٶلەمٸندە بولادى.
جاڭا قارجىلاندىرۋ نورماتيۆٸ نەگٸزگٸ جەنە ىنتالاندىرۋشى تٶلەم بٶلٸكتەرٸنەن تۇرادى. ىنتالاندىرۋشى تٶلەمدەر ناقتى كٶرسەتكٸشتەرگە قول جەتكٸزگەن كوللەدجدەرگە بەرٸلەدٸ.
بۇل جاڭا قارجىلاندىرۋ جٷيەسٸ بەسەكەگە قابٸلەتتٸ مامانداردى دايارلاۋعا, بٸلٸم بەرۋ ۇيىمدارىن زاماناۋي ماتەريالدىق-تەحنيكالىق جابدىقتارمەن قامتاماسىز ەتۋگە, پەداگوگتەردٸڭ بٸلٸكتٸلٸگٸن ارتتىرۋ كۋرستارىن ۇيىمداستىرۋعا مٷمكٸندٸك بەرەدٸ.
سونىمەن قاتار, كوللەدجدەردٸڭ وقۋ-ٶندٸرٸستٸك شەبەرحانالارىندا ٶندٸرٸلگەن ٶنٸمدٸ ساتىلىمعا شىعارۋ مەحانيزمٸ قاراستىرىلىپ جاتىر. ٶندٸرٸستەن تٷسكەن تابىس بٸلٸم بەرۋ ۇيىمدارىن دامىتۋعا باعىتتالاتىن بولادى.
