10 maýsymǵa qaraǵan túni Tekeli qalasynda 45 jastaǵy er adam jubaiy salǵan pyshaq jaraqatynan kóz jumdy. Er adam jedel járdem qyzmeti kelgenge deiin qaitys bolǵan. Atalǵan fakti boiynsha qylmystyq is qozǵaldy, dep habarlaidy ult.kz Kriminalnyi Kazahstan telegram arnasyna silteme jasap.
Tergeý málimetine sáikes, ólimge ákelgen jaraqat erli-zaiyptylardyń birge spirttik ishimdik ishken kezinde salynǵan. Qazirgi ýaqytta oqiǵanyń barlyq mán-jaiyn jan-jaqty ári obektivti anyqtaý úshin qajetti tergeý áreketteri júrgizilýde.
"Tergeý barysy prokýratýranyń baqylaýynda", – dep habarlady Jetisý oblystyq politsiia departamentiniń baspasóz qyzmeti.
Sot sanktsiiasymen kúdiktige qatysty qamaýda ustaý túrindegi bultartpaý sharasy tańdaldy. Qazir ol ýaqytsha ustaý izoliatorynda otyr.
Sonymen qatar áleýmettik jelilerde kúdiktini qoldaǵan jazbalar taralýda. Jeli qoldanýshylary áieldiń kópbalaly ana ekenin jáne uzaq ýaqyt boiy kúieýiniń tarapynan turmystyq zorlyq-zombylyq kórgen bolýy múmkin ekenin jazýda.
Alaida politsiia bul aqparattyń ázirge resmi túrde rastalmaǵanyn málimdedi. Atalǵan derekter tergeý aiasynda tekseriletin bolady.
