10 ماۋسىمعا قاراعان تٷنٸ تەكەلٸ قالاسىندا 45 جاستاعى ەر ادام جۇبايى سالعان پىشاق جاراقاتىنان كٶز جۇمدى. ەر ادام جەدەل جەردەم قىزمەتٸ كەلگەنگە دەيٸن قايتىس بولعان. اتالعان فاكتٸ بويىنشا قىلمىستىق ٸس قوزعالدى, دەپ حابارلايدى ult.kz كريمينالنىي كازاحستان telegram ارناسىنا سٸلتەمە جاساپ.
تەرگەۋ مەلٸمەتٸنە سەيكەس, ٶلٸمگە ەكەلگەن جاراقات ەرلٸ-زايىپتىلاردىڭ بٸرگە سپيرتتٸك ٸشٸمدٸك ٸشكەن كەزٸندە سالىنعان. قازٸرگٸ ۋاقىتتا وقيعانىڭ بارلىق مەن-جايىن جان-جاقتى ەرٸ وبەكتيۆتٸ انىقتاۋ ٷشٸن قاجەتتٸ تەرگەۋ ەرەكەتتەرٸ جٷرگٸزٸلۋدە.
"تەرگەۋ بارىسى پروكۋراتۋرانىڭ باقىلاۋىندا", – دەپ حابارلادى جەتٸسۋ وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
سوت سانكتسيياسىمەن كٷدٸكتٸگە قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى تاڭدالدى. قازٸر ول ۋاقىتشا ۇستاۋ يزولياتورىندا وتىر.
سونىمەن قاتار ەلەۋمەتتٸك جەلٸلەردە كٷدٸكتٸنٸ قولداعان جازبالار تارالۋدا. جەلٸ قولدانۋشىلارى ەيەلدٸڭ كٶپبالالى انا ەكەنٸن جەنە ۇزاق ۋاقىت بويى كٷيەۋٸنٸڭ تاراپىنان تۇرمىستىق زورلىق-زومبىلىق كٶرگەن بولۋى مٷمكٸن ەكەنٸن جازۋدا.
الايدا پوليتسييا بۇل اقپاراتتىڭ ەزٸرگە رەسمي تٷردە راستالماعانىن مەلٸمدەدٸ. اتالعان دەرەكتەر تەرگەۋ اياسىندا تەكسەرٸلەتٸن بولادى.
