Ulttyq qaýipsizdik komitetiniń teologtarmen, dintanýshylar birge júrgizgen jumystary tek destrýktivti ideologiiany ustanatyn azamattar sanynyń ósimin toqtatqan. Osyǵan bailanysty QR UQK terrorizmge qarsy ortalyq bastyǵynyń orynbasary Sergei Shveikin bul baǵytta aldyn alý jumysy barynsha kúsheitiletinin málim etti, dep habarlaidy QazAqparat.
«Qylmystyq atqarý júiesi mekemelerinde júrgiziletin aldyn alý jumystarynyń sapasy eń aldymen, din salasyndaǵy mamandardyń kásibiligine tikelei bailanysty. Ekstremizm men terrorizm úshin sottalǵan adamdarmen jumys aitarlyqtai kúrdeli. Dese de, bul baǵytta da naqty úlgiler barshylyq. Ótken jyly ǵana 144 sottalǵan azamattyń dini kózqarasyn ózgertýge qol jetkizildi», - dedi Sergei Shveikin elordada ótip jatqan Qazaqstan Dintanýshylarynyń HI forýmynda.
Onyń aitýynsha, quzyrly vedomstvo tarapynan mamandardyń biliktiligin arttyrý jumysyna basa mańyz beriledi.
«2015 jyldan beri arnaiy qurylǵan UQK-nyń Terroizmge qarsy daiyndyq ortalyǵynda biliktiligin arttyrý kýrstary uiymdastyrylǵan bolatyn. Aqparattyq túsindirý toptarynyń músheleri aqparattyq turǵyda yqpal etý tehnologiialaryn jetildirip, bizdiń psihologtarǵa opponentke psihologiialyq aqparattyq yqpal etý amal-ádisteri úiretilýde, tulǵanyń psihologiiasy zerttelip, áńgimelesý joldary zerdelenedi. Atalǵan kontingentpen jumys barysynda osy amal-ádister qoldanylyp jatqanyna senimdimiz», - dedi ol.
Sergei Shveikinniń aitýynsha, qazirgi tańda teologtarmen, dintanýshylar birge júrgizilgen jumystar tek destrýktivti ideologiiany ustanatyn azamattar sanynyń ósimin toqtatqan.
«Bolashaqta aldyn alý jumystary olardyń sanyn azaitýy kerek. Terrorizmge qarsy ortalyqtyń pozitsiiasy: biz kez kelgen bastamany qoldaýǵa daiynbyz», - dedi Sergei Shveikin
Eske sala ketsek, elordada búgin Qazaqstan Dintanýshylarynyń HI forýmy ótip jatyr. Sergei Shveikin jiynda Qazaqstanda destrýktivti aǵymdy ustanatyndardyń sany 20 myńnan asatynyn aitqan edi. Óz kezeginde Qazaqstan musylmandary Dini basqarmasynyń tóraǵasy, Bas múfti Serikbai qajy Oraz túrmelerde qyzmet etetin imamdarǵa jalaqy taǵaiyndaýdy usyndy.
