ۇلتتىق قاۋٸپسٸزدٸك كوميتەتٸنٸڭ تەولوگتارمەن, دٸنتانۋشىلار بٸرگە جٷرگٸزگەن جۇمىستارى تەك دەسترۋكتيۆتٸ يدەولوگييانى ۇستاناتىن ازاماتتار سانىنىڭ ٶسٸمٸن توقتاتقان. وسىعان بايلانىستى قر ۇقك تەرروريزمگە قارسى ورتالىق باستىعىنىڭ ورىنباسارى سەرگەي شۆەيكين بۇل باعىتتا الدىن الۋ جۇمىسى بارىنشا كٷشەيتٸلەتٸنٸن مەلٸم ەتتٸ, دەپ حابارلايدى قازاقپارات.
«قىلمىستىق اتقارۋ جٷيەسٸ مەكەمەلەرٸندە جٷرگٸزٸلەتٸن الدىن الۋ جۇمىستارىنىڭ ساپاسى ەڭ الدىمەن, دٸن سالاسىنداعى مامانداردىڭ كەسٸبيلٸگٸنە تٸكەلەي بايلانىستى. ەكسترەميزم مەن تەرروريزم ٷشٸن سوتتالعان ادامدارمەن جۇمىس ايتارلىقتاي كٷردەلٸ. دەسە دە, بۇل باعىتتا دا ناقتى ٷلگٸلەر بارشىلىق. ٶتكەن جىلى عانا 144 سوتتالعان ازاماتتىڭ دٸني كٶزقاراسىن ٶزگەرتۋگە قول جەتكٸزٸلدٸ», - دەدٸ سەرگەي شۆەيكين ەلوردادا ٶتٸپ جاتقان قازاقستان دٸنتانۋشىلارىنىڭ حٸ فورۋمىندا.
ونىڭ ايتۋىنشا, قۇزىرلى ۆەدومستۆو تاراپىنان مامانداردىڭ بٸلٸكتٸلٸگٸن ارتتىرۋ جۇمىسىنا باسا ماڭىز بەرٸلەدٸ.
«2015 جىلدان بەرٸ ارنايى قۇرىلعان ۇقك-نىڭ تەررويزمگە قارسى دايىندىق ورتالىعىندا بٸلٸكتٸلٸگٸن ارتتىرۋ كۋرستارى ۇيىمداستىرىلعان بولاتىن. اقپاراتتىق تٷسٸندٸرۋ توپتارىنىڭ مٷشەلەرٸ اقپاراتتىق تۇرعىدا ىقپال ەتۋ تەحنولوگييالارىن جەتٸلدٸرٸپ, بٸزدٸڭ پسيحولوگتارعا وپپونەنتكە پسيحولوگييالىق اقپاراتتىق ىقپال ەتۋ امال-ەدٸستەرٸ ٷيرەتٸلۋدە, تۇلعانىڭ پسيحولوگيياسى زەرتتەلٸپ, ەڭگٸمەلەسۋ جولدارى زەردەلەنەدٸ. اتالعان كونتينگەنتپەن جۇمىس بارىسىندا وسى امال-ەدٸستەر قولدانىلىپ جاتقانىنا سەنٸمدٸمٸز», - دەدٸ ول.
سەرگەي شۆەيكيننٸڭ ايتۋىنشا, قازٸرگٸ تاڭدا تەولوگتارمەن, دٸنتانۋشىلار بٸرگە جٷرگٸزٸلگەن جۇمىستار تەك دەسترۋكتيۆتٸ يدەولوگييانى ۇستاناتىن ازاماتتار سانىنىڭ ٶسٸمٸن توقتاتقان.
«بولاشاقتا الدىن الۋ جۇمىستارى ولاردىڭ سانىن ازايتۋى كەرەك. تەرروريزمگە قارسى ورتالىقتىڭ پوزيتسيياسى: بٸز كەز كەلگەن باستامانى قولداۋعا دايىنبىز», - دەدٸ سەرگەي شۆەيكين
ەسكە سالا كەتسەك, ەلوردادا بٷگٸن قازاقستان دٸنتانۋشىلارىنىڭ حٸ فورۋمى ٶتٸپ جاتىر. سەرگەي شۆەيكين جيىندا قازاقستاندا دەسترۋكتيۆتٸ اعىمدى ۇستاناتىنداردىڭ سانى 20 مىڭنان اساتىنىن ايتقان ەدٸ. ٶز كەزەگٸندە قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى وراز تٷرمەلەردە قىزمەت ەتەتٸن يمامدارعا جالاقى تاعايىنداۋدى ۇسىندى.
