Qazaqstandyqtar Reseige ushqan bos ushaqtyń videosyn taratyp jatyr, - dep habarlaidy Massaget.kz.
Roliktiń avtory belgisiz. Onda er adam ulymen birge Reseige ushyp bara jatqanyn aitady, biraq qaidan kele jatqanyn naqtylamaidy. Ekinshi videoda bos ushaq kórsetiledi. Rolik keiipkeri "búkil ushaqqa tapsyrys bergenin" aitady.
Keibir Jeli qoldanýshylarynyń aitýynsha jáne BAQ málimetinshe, ushaq Qazaqstannan shyqqan. Alaida, kadrlar men oryndyqtarǵa qaraǵanda, bul - S7 Airlines aviakompaniiasynyń borty. AAK aqparaty boiynsha, bul aviakompaniia Qazaqstannan Resei Federatsiiasyna jolaýshy tasymaldamaidy. Qazaqstannan Reseige ushatyn ushaqtar arasynda Qazaq Air, SCAT, "Rossiia", "Azimýt", Red Wings jáne UTAir bar.
Telegram-arnalardyń birinde S7 Airlines reisi Bishkekten Irkýtskige ushqany jazylǵan. Bortta eki jolaýshy bolǵan, bul reis 26 qyrkúiekte Airbus A320 ushaǵymen oryndalǵan. Jalpy, úsh bilet satyp alynǵan.
"Basqa kúnderi kóbirek bolǵan (70-100 aviabilet satyp alynǵan). Aviakompaniia bul reisti (S7 6320) 20 qyrkúiekten bastap iske qosty. Kestede ol seisenbi jáne senbi kúnderi tur, biraq osy aptada qosymsha dúisenbi men beisenbide bolady", - delingen habarlamada.
