109 nomerine habarlasyp, azyq-túlikke tapsyrys berýge bolady degen aqparat jalǵan. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Keshe ǵana men Prezident tapsyrmasy boiynsha tegin azyq-túlik jiyntyǵy týraly aqparat jariia etken bolatynmyn. Ony azamattardyń 4 sanaty ala alatynyn eske salǵym keledi. Birinshi sanat - ataýly áleýmettik kómek alatyn az qamtylǵan otbasylardyń 6 jastan 18 jasqa deiingi balalary. 2, 3, 4-sanat - karantindik aimaqta turatyn azamattar. Naqty aitqanda, AÁK alatyn otbasylardyń barlyq eresek múshesi, onyń ishinde kópbalaly otbasylar, barlyq jastaǵy 1 jáne 2-toptaǵy múgedekter men múgedek balalar, múgedek balanyń kútimimen otyrǵan ata-analar», - dedi ministr.
Sonymen qatar ol qazir ártúrli messendjerde 109 nomerine habarlasyp, azyq-túlikke tapsyrys berýge bolady degen habar tarap jatqanyn aitty.
«Bul - jalǵan aqparat. Ony jasaǵan adamdar tabylady jáne zańǵa sáikes jazalanady», - dedi ol.
