Soltústik Qazaqstan oblysynda aýylda turatyn erli-zaiypty internet-alaiaqtardyń «investitsiia» shemasyna aldanyp, 10 mln teńgesinen aiyryldy, dep habarlaidy ult.kz.
Polisia.kz málimetinshe, oqiǵa 60 jastaǵy áieldiń Instagram-nan investitsiiaǵa shaqyrǵan jarnamany kórýinen bastalǵan. Ol ótinim qaldyrǵannan keiin ózin brokerlik kompaniia mamany retinde tanystyrǵan adam habarlasyp, tabys tabýdy usynǵan.
Áiel bastapqyda 100 dollar aýdaryp, keiin bir ai boiy ózin «analitik» dep tanystyrǵan adamnyń nusqaýyn oryndaǵan. Ol kúieýin de osy shemaǵa qosyp, erli-zaiypty jinaǵan aqshasyn salyp, birneshe bankten nesie alǵan.
Keiin olardyń alaiaqtarǵa aldanyp qalǵany belgili bolǵan. Keltirilgen shyǵyn 10 mln teńgeni qurady.
Politsiia alaiaqtyq shemaǵa dropper retinde qatysqan birneshe adamdy anyqtady. Jábirlenýshiler keltirilgen shyǵyndy óndirý týraly sotqa talap aryz bergen.
Politsiia internettegi tym tartymdy investitsiialyq usynystarǵa senbeýge jáne beitanys adamdardyń nusqaýymen bank operatsiialaryn jasamaýǵa shaqyrdy.
