سولتٷستٸك قازاقستان وبلىسىندا اۋىلدا تۇراتىن ەرلٸ-زايىپتى ينتەرنەت-الاياقتاردىڭ «ينۆەستيتسييا» سحەماسىنا الدانىپ, 10 ملن تەڭگەسٸنەن ايىرىلدى, دەپ حابارلايدى ult.kz.
Polisia.kz مەلٸمەتٸنشە, وقيعا 60 جاستاعى ەيەلدٸڭ Instagram-نان ينۆەستيتسيياعا شاقىرعان جارنامانى كٶرۋٸنەن باستالعان. ول ٶتٸنٸم قالدىرعاننان كەيٸن ٶزٸن بروكەرلٸك كومپانييا مامانى رەتٸندە تانىستىرعان ادام حابارلاسىپ, تابىس تابۋدى ۇسىنعان.
ەيەل باستاپقىدا 100 دوللار اۋدارىپ, كەيٸن بٸر اي بويى ٶزٸن «اناليتيك» دەپ تانىستىرعان ادامنىڭ نۇسقاۋىن ورىنداعان. ول كٷيەۋٸن دە وسى سحەماعا قوسىپ, ەرلٸ-زايىپتى جيناعان اقشاسىن سالىپ, بٸرنەشە بانكتەن نەسيە العان.
كەيٸن ولاردىڭ الاياقتارعا الدانىپ قالعانى بەلگٸلٸ بولعان. كەلتٸرٸلگەن شىعىن 10 ملن تەڭگەنٸ قۇرادى.
پوليتسييا الاياقتىق سحەماعا دروپپەر رەتٸندە قاتىسقان بٸرنەشە ادامدى انىقتادى. جەبٸرلەنۋشٸلەر كەلتٸرٸلگەن شىعىندى ٶندٸرۋ تۋرالى سوتقا تالاپ ارىز بەرگەن.
پوليتسييا ينتەرنەتتەگٸ تىم تارتىمدى ينۆەستيتسييالىق ۇسىنىستارعا سەنبەۋگە جەنە بەيتانىس ادامداردىڭ نۇسقاۋىمەن بانك وپەراتسييالارىن جاساماۋعا شاقىردى.
