Almatyda Asar Baspana qarjy piramidasy isi boiynsha sot úkimi shyqty. Uiymdastyrýshy 8 jylǵa bas bostandyǵynan aiyryldy, dep habarlaidy ult.kz.
Sot materialdaryna sáikes, 2023 jyly T. esimdi azamat azamattarǵa baspana men avtokólik alýǵa múmkindik beretin baǵdarlamalardy usynyp, aqsha tartý shemasyn qurǵan. Qazaqstannyń túrli qalalarynda keńseler ashylyp, jańa salymshylar tartylǵan.
Tergeý dereginshe, shema arqyly azamattardan 25,4 mlrd teńgeden astam qarajat jinalǵan. Aqsha qatysýshylar aldyndaǵy mindettemelerdi oryndaýǵa arnalǵan kásipkerlik qyzmetke paidalanylmaǵan.
Is boiynsha taǵy úsh adam 7 jylǵa bas bostandyǵynan aiyrylyp, birqatar sottalýshyǵa shartty jaza taǵaiyndaldy. Keibiriniń múlki tárkilenip, ony jábirlenýshilerdiń shyǵynyn óteýge baǵyttaý týraly sheshim qabyldandy.
Úkim zańdy kúshine engen joq.
