الماتىدا Asar Baspana قارجى پيراميداسى ٸسٸ بويىنشا سوت ٷكٸمٸ شىقتى. ۇيىمداستىرۋشى 8 جىلعا باس بوستاندىعىنان ايىرىلدى, دەپ حابارلايدى ult.kz.
سوت ماتەريالدارىنا سەيكەس, 2023 جىلى ت. ەسٸمدٸ ازامات ازاماتتارعا باسپانا مەن اۆتوكٶلٸك الۋعا مٷمكٸندٸك بەرەتٸن باعدارلامالاردى ۇسىنىپ, اقشا تارتۋ سحەماسىن قۇرعان. قازاقستاننىڭ تٷرلٸ قالالارىندا كەڭسەلەر اشىلىپ, جاڭا سالىمشىلار تارتىلعان.
تەرگەۋ دەرەگٸنشە, سحەما ارقىلى ازاماتتاردان 25,4 ملرد تەڭگەدەن استام قاراجات جينالعان. اقشا قاتىسۋشىلار الدىنداعى مٸندەتتەمەلەردٸ ورىنداۋعا ارنالعان كەسٸپكەرلٸك قىزمەتكە پايدالانىلماعان.
ٸس بويىنشا تاعى ٷش ادام 7 جىلعا باس بوستاندىعىنان ايىرىلىپ, بٸرقاتار سوتتالۋشىعا شارتتى جازا تاعايىندالدى. كەيبٸرٸنٸڭ مٷلكٸ تەركٸلەنٸپ, ونى جەبٸرلەنۋشٸلەردٸڭ شىعىنىن ٶتەۋگە باعىتتاۋ تۋرالى شەشٸم قابىلداندى.
ٷكٸم زاڭدى كٷشٸنە ەنگەن جوق.
