Tegeranda apatqa ushyraǵan Ýkraina ushaǵynda mert bolǵandardyń basym bóligi – Iran jáne Kanada azamattary. Bul týraly Ýkraina syrtqy ister ministri Vadim Pristaiko Twitter-de jazdy, – dep habarlaidy ÝKRINFORM agenttigi.
«Qazir PS752 apatynda qaza tapqandardyń qai eldiń azamaty ekendigi jaily mynadai aqparat bar: Iran – 82; Kanada – 63; Ýkraina - 2 + 9 (ekipaj); Shvetsiia – 10; Aýǵanstan - 4; GFR - 3; Ulybritaniia – 3», - dep jazdy Ýkraina SIM basshysy Pristaiko. Ol áýe apatynda adamdardyń qaza bolýyna bailanysty kóńil aityp, Ýkraina biligi tergeý júrgizip jatqanyn atap ótti.
Agenttiktiń habarlaýynsha, sársenbi, 8 qańtarda Tegeran ýaqytymen 6:00-de Imam Homeini atyndaǵy áýejaidan Tegeran-Kiev baǵytymen ushyp shyqqan «Ýkraina halyqaralyq áýe jelileri» áýe kompaniiasynyń Boeing-737 ushaǵy apatqa ushyrady. Onyń bortynda 177 adam bolǵan: 168 jolaýshy jáne 9 ekipaj múshesi. Barlyǵy mert boldy.
Ýkraina prezidenti Vladimir Zelenskii qaza tapqandardyń otbasylaryna kóńil aitty.
