تەگەراندا اپاتقا ۇشىراعان ۋكراينا ۇشاعىندا مەرت بولعانداردىڭ باسىم بٶلٸگٸ – يران جەنە كانادا ازاماتتارى. بۇل تۋرالى ۋكراينا سىرتقى ٸستەر مينيسترٸ ۆاديم پريستايكو Twitter-دە جازدى, – دەپ حابارلايدى ۋكرينفورم اگەنتتٸگٸ.
«قازٸر PS752 اپاتىندا قازا تاپقانداردىڭ قاي ەلدٸڭ ازاماتى ەكەندٸگٸ جايلى مىناداي اقپارات بار: يران – 82; كانادا – 63; ۋكراينا - 2 + 9 (ەكيپاج); شۆەتسييا – 10; اۋعانستان - 4; گفر - 3; ۇلىبريتانييا – 3», - دەپ جازدى ۋكراينا سٸم باسشىسى پريستايكو. ول ەۋە اپاتىندا ادامداردىڭ قازا بولۋىنا بايلانىستى كٶڭٸل ايتىپ, ۋكراينا بيلٸگٸ تەرگەۋ جٷرگٸزٸپ جاتقانىن اتاپ ٶتتٸ.
اگەنتتٸكتٸڭ حابارلاۋىنشا, سەرسەنبٸ, 8 قاڭتاردا تەگەران ۋاقىتىمەن 6:00-دە يمام حومەيني اتىنداعى ەۋەجايدان تەگەران-كيەۆ باعىتىمەن ۇشىپ شىققان «ۋكراينا حالىقارالىق ەۋە جەلٸلەرٸ» ەۋە كومپانيياسىنىڭ Boeing-737 ۇشاعى اپاتقا ۇشىرادى. ونىڭ بورتىندا 177 ادام بولعان: 168 جولاۋشى جەنە 9 ەكيپاج مٷشەسٸ. بارلىعى مەرت بولدى.
ۋكراينا پرەزيدەنتٸ ۆلاديمير زەلەنسكيي قازا تاپقانداردىڭ وتباسىلارىنا كٶڭٸل ايتتى.
