Tegeranda Qazaqstandyq biznes-missiia tabysty ótti. Bul - Qazaqstannyń Iranǵa sońǵy 5 aidaǵy ekinshi saýda-ekonomikalyq missiiasy, dep habarlaidy primeminister.kz.
Qazaqstandyq biznesti tamaq ónerkásibi, qurylys indýstriiasy, himiia ónerkásibi, IT-indýstriia, metall prokaty jáne t. b. salalarda jumys isteitin 15 óndirýshi kompaniia tanystyrdy. Atap aitqanda, Iran biznesimen kelissózderge et, un ónimderin óndirýshiler, jumyrtqa, makaron ónimderin, balmuzdaq, ósimdik maiy men jarma óndirýshiler qatysty. Sondai-aq himiialyq ónimder, bolat symdar men arqandar, metall bóshkeler, telekommýnikatsiialyq jabdyqtar men modem óndirýshiler de bar.
Qazaqstandyq biznestiń Iranǵa saýda-ekonomikalyq missiiasyn uiymdastyrýshy — «QazTrade» AQ eksportty qoldaý men damytýdyń biryńǵai operatory.
Saýda-ekonomikalyq missiiany ashqan QR Premer-Ministriniń orynbasary – saýda jáne integratsiia ministri Baqyt Sultanov Iran Qazaqstannyń mańyzdy saýda seriktesteriniń biri ekenin atap ótti.
«Biz Qazaqstan-Iran ekijaqty saýda-ekonomikalyq qatynastaryn odan ári damytý men tereńdetýge, ásirese elderimiz arasyndaǵy saýdany damytýǵa úlken mán beremiz», — dedi Sultanov.
Ol elderimizdiń ózara saýdany ulǵaitýda aitarlyqtai áleýeti bar ekenin atap ótti. Bul rette qazaqstandyq kompaniialar Iranǵa metallýrgiia salasyn, tamaq, mashina jasaý, farmatsevtika, qurylys materialdaryn qosa alǵanda, $162,3 mln somasyna birqatar salalardyń óńdelgen taýarlarynyń eksportyn arttyrýǵa daiyn.
Sultanovtyń aitýynsha, Qazaqstan – Túrikmenstan – Iran temir joly paidalanýǵa berilgennen keiin ónim eksportynyń kólemi 5 ese ósti, bul rette aýystyryp tieý múmkindigi shamamen 10 mln tonna júkti quraidy.
«Búgingi tańda osy baǵyt arqyly Irannyń Resei jáne Qytai naryqtaryna shyǵý, óz kezeginde bizdiń eldiń – Parsy shyǵanaǵynyń barlyq memleketterine shyǵý múmkindigi bar. Biryńǵai qolaily tariftik saiasatty júrgizý Qazaqstan-Túrikmenstan-Iran baǵyty boiynsha júk aǵynyn ulǵaitýǵa múmkindik beredi jáne tutastai alǵanda elderimizdiń tranzittik-kólik sektorynyń damýyna oń áser etedi. Sondyqtan búgingi bizdiń mindetimiz osy baǵytty júkteý», — dedi Sultanov Tegerandaǵy saýda-ekonomikalyq missiiaǵa qatysýshylarǵa.
Saýda-ekonomikalyq missiiasy sheńberinde qazaqstandyq biznes Irannyń salalyq qaýymdastyqtarymen (elektrondyq jabdyqtar, Ónerkásiptik jáne qurylys materialdaryn óndirýshiler qaýymdastyǵy, metallýrgiia ónerkásibi qaýymdastyǵy, et jáne et ónimderin óndirýshiler qaýymdastyǵy, Tamaq ónimderi qaýymdastyǵy) kezdesti.
Sondai-aq Irannyń iri riteilerleriniń biri Hyper Star-dyń (frantsýzdyq transulttyq riteiler Carrefour kompaniiasynyń irandyq enshiles kompaniiasy) jumysymen tanysty.
V2V kelissózderdiń qorytyndysy boiynsha qazaqstandyq jáne irandyq kompaniialar $14 mln somasyna birneshe kelisim jasasty.
Atap aitqanda, Iranǵa et, un, balmuzdaq, ósimdik maiyn jetkizýge arnalǵan kelisimsharttarǵa qol qoiyldy. Sondai-aq QazTrade AQ men Trade Promotion Organisation of Iran arasynda taýar ainalymyn $100 mln-ǵa arttyrýǵa ózara niet týraly memorandýmǵa qol qoiyldy.
