Foto: ortcom.kz
Tech Orda baǵdarlamasy mamandyqty igergisi keletin qazaqstandyqtar úshin vaýcherlik júieni paidalana otyryp, jetekshi jekemenshik IT mektepterinde oqýǵa múmkindik beredi. Máselen, qazirgi tańda osy baǵdarlama boiynsha 2 myńnan astam adam IT mamandyǵyn igerip, 450 myń teńge jalaqymen jumysqa ornalasýǵa múmkindik aldy, – dep habarlaidy «Ult aqparat».
Atalǵan baǵdarlama aiasynda 83 IT mektep akkreditatsiiadan ótip, 3 273 IT vaýcher berilgen.
QR Tsifrlyq damý, innovatsiialar jáne aeroǵarysh ónerkásibi ministrliginiń baǵdarlamasy aiasynda 3000 arnaiy bilim berý vaýcheriniń iegerleri Qazaqstannyń jekemenshik IT mektepterinde tegin oqi alady
Belgili bolǵanyndai, biyl Tech Orda baǵdarlamasy Qazaqstannyń 18 ben 45 jas aralyǵyndaǵy barlyq azamattaryna IT mamandyqtaryn igerýge biregei múmkindik beredi. Biylǵy esep boiynsha, elimizdegi 83 IT mektebinde 219 kýrs bar.
Tech Orda 2021 jyldan bastap Astana Hub bazasynda jumys isteidi. Tsifrlyq damý ministrligi atap ótkendei, baǵdarlama aqparattyq tehnologiialar salasyndaǵy adami kapitaldy damytýǵa arnalǵan.
«Ol veb-ázirleýdi, 3D dizaindy, baǵdarlamalyq qamtamasyz etýdi, mobildi qosymshalardy jasaýdy, sondai-aq Big Data jáne Blockchain siiaqty salalardy qosa alǵanda, basym sektorlardyń tolyq spektrin qamtidy», - dep qosty departament mamandary.
Oqytý memlekettik jáne orys tilderinde júrgiziledi, oqý merzimi 6 aidan 2 jylǵa deiin ózgeredi.
Esterińizde bolsa, Memleket basshysy Qasym-Jomart Toqaevtyń tapsyrmasynyń ishinde 2025 jylǵa qarai keminde 100 myń IT mamanyn daiarlaý mindeti turǵanyn aitqan bolatyn.
Tsifrlyq damý, innovatsiialar jáne aeroǵarysh ónerkásibi ministrligi «Teh Orda» baǵdarlamasy aiasynda bilikti kadrlar daiarlaýǵa mamandandyrylǵan otandyq jeke IT-mektepter arqyly 20 myń IT mamanyn daiyndaýdy josparlap otyrǵanyn málimdedi.
Vedomstvonyń málimetinshe, ótken jylmen salystyrǵanda, «Tech Orda» baǵdarlamasyna qatysýǵa niet bildirgen IT mektepterdiń sany eki esege jýyq artty – 49-dan 83-ke. Bul ótken jyly da, biyl da ótinishterdiń aitarlyqtai kóp bolǵanyn kórsetedi.
Aitpaqshy, joba 2021 jyly bastaldy. Sodan keiin pilottyq aǵym Qazaqstannyń túkpir-túkpirinen 100 stýdentti qamtydy. Olardyń árqaisysyna baǵdarlama boiynsha 600 000 teńgeden qarjylai qoldaý kórsetildi. Ótken jyly Tech Orda baǵdarlamasy keńeitilip, 3000-nan astam qazaqstandyq tegin oqýǵa joldama aldy, biyl da osynshama stýdent qabyldaý josparlandy.
Tech Orda baǵdarlamasyna qosylǵysy keletinder úshin astanahub.com portalynda mektepter men kýrstardyń tolyq tizimi bar IT mektepteriniń kórmesi qoljetimdi. Ótinishter 2023 jyldyń 11 qyrkúiegine deiin qabyldanady. Qosymsha aqparatty tańdalǵan IT mektebinen nemese 2222 telefony arqyly alýǵa bolady.
Tech Orda baǵdarlamasy jeke IT mektepterin sýbsidiialaýdy jáne IT mamany bolǵysy keletin azamattarǵa vaýcherler berýdi qarastyrady. Mehanizm úsh kezeńnen turady. Birinshi kezeńde baǵdarlamaǵa qatysý úshin mektep kýrstary tańdalyp, akkreditteledi. Bul irikteýdi táýelsiz komissiia júrgizedi.
Astana Hub IT-startaptar halyqaralyq tehnoparkiniń bas direktory Maǵjan Mádievtiń aitýynsha, 2022 jyly baǵdarlamaǵa qatysýǵa ótinish bildirgen 70 mekteptiń ishinde 49 IT mektep akkreditatsiiadan ótken, onyń 17-si jańa. Bul rette 34 paiyzy óńirlerde ornalasqan.
«Ekinshi kezeńde ár kýrsqa bólinetin vaýcherler sany anyqtalady. Bul úderisterdiń ashyqtyǵyn qamtamasyz etý úshin ázirlengen algoritm – matematikalyq model arqyly júzege asyrylady», – dep túsindirdi spiker.
Bul rette árbir IT-mekteptiń tiimdiligin esepteý kezinde algoritmniń negizi túlekterdi jumysqa ornalastyrý kórsetkishteri bolyp tabylady.
«Óńirlerde IT-bilim berýdi damytýdy yntalandyrý úshin algoritmde oblys mektepterine kóbirek joldama taratatyn arnaiy koeffitsient engizilgen, qalǵandary birdei», – dep atap ótti M.Mádiev.
Alynǵan joldamalar aiasynda úshinshi kezeńde mektepter óz betinshe oqýshylardy tańdady. Tech Orda baǵdarlamasy aiasynda IT mamandyqtary boiynsha bilim alǵysy keletin áleýetti stýdentterden 16 myńǵa jýyq ótinish kelip túsken.
Aitpaqshy, sońǵy eki jylda elimizdiń 12 oblysynda 20 baǵdarlamalaý mektebi ashyldy. Bul týraly QR Tsifrlyq damý, innovatsiialar jáne aeroǵarysh ónerkásibi ministrliginiń IT salasyn damytý departamentiniń direktory Ersultan Ermanov aitty.
Esterińizge sala keteiik, Tech Orda baǵdarlamasy mamandyqty igergisi keletin qazaqstandyqtar úshin vaýcherlik júieni paidalana otyryp, jetekshi jekemenshik IT mektepterinde oqýǵa múmkindik beredi. Máselen, qazirgi tańda osy baǵdarlama boiynsha 2 myńnan astam adam IT mamandyǵyn igerip, 450 myń teńge jalaqymen jumysqa ornalasýǵa múmkindik aldy. Atalǵan baǵdarlama aiasynda 83 IT mektep akkreditatsiiadan ótip, 3 273 IT vaýcher berilgen.
