Tájikstandaǵy sot elge tanymal dindar Sirodjiddin Abdýrahmonovty bes jarym jyl túrmege qamady. "Aziia-Pliýs" agenttigi Dýshanbedegi sottaǵy derekkózine siltep, dindardyń "elde tyiym salynǵan "Salafiia" qozǵalysynyń jumysyna aralasty" dep sottalǵanyn habarlady.
Al sottaǵylar Azattyqtyń Tájik qyzmetine Abdýrahmonovtyń "ekstremistik uiymnyń jumysyn uiymdastyrdy" degen aiyppen sottalǵanyn aitqan.
2009 jyly Tájikstan joǵarǵy soty "Salafiia" qozǵalysynyń jumysyn zańsyz dep tanyp, qyzmetine tyiym salǵan.
Eldegi salafitterdiń beiresmi lideri sanalatyn Abdýrahmonov byltyr 12 qarashada Dýshanbedegi úiinde ustalǵan. Ol ustalǵanǵa deiin Youtube jelisindegi kanalda dini suraqtarǵa jaýap bergen.
Abdýrahmonov 2009 jyly da ustalyp, "ulttyq jáne dini arazdyqty qozdyrdy" degen aiyppen jeti jylǵa sottalǵan. Ol túrmede úsh jyl otyryp, 2013 jyly prezidenttiń raqymshylyǵymen qamaýdan bosap shyqqan.
Dindar 2019 jyly sáýirde 18 minýttyq video jariialap, Tájikstan biliginiń uialy internettiń baǵasyn kóterý bastamasyn qoldaǵan. Ol internetti "erli-zaiyptylardyń bir-biriniń kózine shóp salýǵa sebep bolatyn" "ǵasyr obasy" dep ataǵan.
