تەجٸكستانداعى سوت ەلگە تانىمال دٸندار سيرودجيددين ابدۋراحمونوۆتى بەس جارىم جىل تٷرمەگە قامادى. "ازييا-پليۋس" اگەنتتٸگٸ دۋشانبەدەگٸ سوتتاعى دەرەككٶزٸنە سٸلتەپ, دٸنداردىڭ "ەلدە تىيىم سالىنعان "سالافييا" قوزعالىسىنىڭ جۇمىسىنا ارالاستى" دەپ سوتتالعانىن حابارلادى.
ال سوتتاعىلار ازاتتىقتىڭ تەجٸك قىزمەتٸنە ابدۋراحمونوۆتىڭ "ەكسترەميستٸك ۇيىمنىڭ جۇمىسىن ۇيىمداستىردى" دەگەن ايىپپەن سوتتالعانىن ايتقان.
2009 جىلى تەجٸكستان جوعارعى سوتى "سالافييا" قوزعالىسىنىڭ جۇمىسىن زاڭسىز دەپ تانىپ, قىزمەتٸنە تىيىم سالعان.
ەلدەگٸ سالافيتتەردٸڭ بەيرەسمي ليدەرٸ سانالاتىن ابدۋراحمونوۆ بىلتىر 12 قاراشادا دۋشانبەدەگٸ ٷيٸندە ۇستالعان. ول ۇستالعانعا دەيٸن Youtube جەلٸسٸندەگٸ كانالدا دٸني سۇراقتارعا جاۋاپ بەرگەن.
ابدۋراحمونوۆ 2009 جىلى دا ۇستالىپ, "ۇلتتىق جەنە دٸني ارازدىقتى قوزدىردى" دەگەن ايىپپەن جەتٸ جىلعا سوتتالعان. ول تٷرمەدە ٷش جىل وتىرىپ, 2013 جىلى پرەزيدەنتتٸڭ راقىمشىلىعىمەن قاماۋدان بوساپ شىققان.
دٸندار 2019 جىلى سەۋٸردە 18 مينۋتتىق ۆيدەو جارييالاپ, تەجٸكستان بيلٸگٸنٸڭ ۇيالى ينتەرنەتتٸڭ باعاسىن كٶتەرۋ باستاماسىن قولداعان. ول ينتەرنەتتٸ "ەرلٸ-زايىپتىلاردىڭ بٸر-بٸرٸنٸڭ كٶزٸنە شٶپ سالۋعا سەبەپ بولاتىن" "عاسىر وباسى" دەپ اتاعان.
