Búgin Tájikstan Respýblikasy Prezidenti, Ult Kóshbasshysy, Tájikstan Qarýly Kúshteriniń Joǵarǵy Bas qolbasshysy, armiia generaly Emomali Rahmonnyń buiryǵymen Tájikstan táýelsiz memleketiniń tarihynda tuńǵysh ret respýblika boiynsha Qarýly kúshterdiń, quqyq qorǵaý organdarynyń jáne jumyldyrý rezervteriniń jeke quramynyń «Marz-2021» (Shekara-2021) atty jaýyngerlik ázirligin tekserý bastaldy, dep habarlaidy Hovar agenttigi.
Qarýly kúshter men quqyq qorǵaý organdarynyń 100 myń áskeri qyzmetshisi, sondai-aq 130 myń jumyldyrý rezerviniń ofitserleri men sarbazdary, jalpy 230 myń adam operatsiianyń belgilengen aýdandarynda dabyl boiynsha jinalyp, ózderiniń jaýyngerlik daiyndyǵyn tekserdi.
Hovar habarlaǵandai, 20 myń jumyldyrý rezerviniń ofitserleri men sarbazdary shekara áskerleriniń bólimshelerin tolyqtyrý úshin Tájikstannyń Aýǵanstan Islam Respýblikasymen shekaralas aýdandaryna qosymsha jiberildi.
Tájikstan Respýblikasy Prezidenti, Ult Kóshbasshysy, Tájikstan Qarýly Kúshteriniń Joǵarǵy Bas qolbasshysy, armiia generaly Emomali Rahmon «Marz-2021» jaýyngerlik ázirligin tekserýdi aiaqtaǵan Qarýly Kúshterdiń, quqyq qorǵaý organdarynyń áskeri qyzmetshileri men jumyldyrý rezerviniń ofitserleri men sarbazdarynyń áskeri paradyna qatysýshylarǵa sóz sóilep, is-sharanyń joǵary deńgeide ótkenin aitty.
Buǵan deiin Tájikstanda Aýǵanstanmen shekarany nyǵaitý úshin rezervten 20 myń áskeri qyzmetshi qosymsha jumyldyrylady dep habarlanǵan bolatyn. Hovardyń habarlaýynsha, 4-nen 5 shildege qaraǵan túni «Taliban» qozǵalysynyń sodyrlary Tájikstan Respýblikasymen uzyndyǵy 910 shaqyrym bolatyn Badahshan Ira provintsiiasynyń Hohon, Shikai, Nýsai, Mohimai, Shýgnon jáne Sultan Ishkashim ýezderin tolyq baqylaýǵa aldy.
