بٷگٸن تەجٸكستان رەسپۋبليكاسى پرەزيدەنتٸ, ۇلت كٶشباسشىسى, تەجٸكستان قارۋلى كٷشتەرٸنٸڭ جوعارعى باس قولباسشىسى, ارمييا گەنەرالى ەمومالي راحموننىڭ بۇيرىعىمەن تەجٸكستان تەۋەلسٸز مەملەكەتٸنٸڭ تاريحىندا تۇڭعىش رەت رەسپۋبليكا بويىنشا قارۋلى كٷشتەردٸڭ, قۇقىق قورعاۋ ورگاندارىنىڭ جەنە جۇمىلدىرۋ رەزەرۆتەرٸنٸڭ جەكە قۇرامىنىڭ «مارز-2021» (شەكارا-2021) اتتى جاۋىنگەرلٸك ەزٸرلٸگٸن تەكسەرۋ باستالدى, دەپ حابارلايدى حوۆار اگەنتتٸگٸ.
قارۋلى كٷشتەر مەن قۇقىق قورعاۋ ورگاندارىنىڭ 100 مىڭ ەسكەري قىزمەتشٸسٸ, سونداي-اق 130 مىڭ جۇمىلدىرۋ رەزەرۆٸنٸڭ وفيتسەرلەرٸ مەن ساربازدارى, جالپى 230 مىڭ ادام وپەراتسييانىڭ بەلگٸلەنگەن اۋداندارىندا دابىل بويىنشا جينالىپ, ٶزدەرٸنٸڭ جاۋىنگەرلٸك دايىندىعىن تەكسەردٸ.
حوۆار حابارلاعانداي, 20 مىڭ جۇمىلدىرۋ رەزەرۆٸنٸڭ وفيتسەرلەرٸ مەن ساربازدارى شەكارا ەسكەرلەرٸنٸڭ بٶلٸمشەلەرٸن تولىقتىرۋ ٷشٸن تەجٸكستاننىڭ اۋعانستان يسلام رەسپۋبليكاسىمەن شەكارالاس اۋداندارىنا قوسىمشا جٸبەرٸلدٸ.
تەجٸكستان رەسپۋبليكاسى پرەزيدەنتٸ, ۇلت كٶشباسشىسى, تەجٸكستان قارۋلى كٷشتەرٸنٸڭ جوعارعى باس قولباسشىسى, ارمييا گەنەرالى ەمومالي راحمون «مارز-2021» جاۋىنگەرلٸك ەزٸرلٸگٸن تەكسەرۋدٸ اياقتاعان قارۋلى كٷشتەردٸڭ, قۇقىق قورعاۋ ورگاندارىنىڭ ەسكەري قىزمەتشٸلەرٸ مەن جۇمىلدىرۋ رەزەرۆٸنٸڭ وفيتسەرلەرٸ مەن ساربازدارىنىڭ ەسكەري پارادىنا قاتىسۋشىلارعا سٶز سٶيلەپ, ٸس-شارانىڭ جوعارى دەڭگەيدە ٶتكەنٸن ايتتى.
بۇعان دەيٸن تەجٸكستاندا اۋعانستانمەن شەكارانى نىعايتۋ ٷشٸن رەزەرۆتەن 20 مىڭ ەسكەري قىزمەتشٸ قوسىمشا جۇمىلدىرىلادى دەپ حابارلانعان بولاتىن. حوۆاردىڭ حابارلاۋىنشا, 4-نەن 5 شٸلدەگە قاراعان تٷنٸ «تاليبان» قوزعالىسىنىڭ سودىرلارى تەجٸكستان رەسپۋبليكاسىمەن ۇزىندىعى 910 شاقىرىم بولاتىن باداحشان يرا پروۆينتسيياسىنىڭ حوحون, شيكاي, نۋساي, موحيماي, شۋگنون جەنە سۇلتان يشكاشيم ۋەزدەرٸن تولىق باقىلاۋعا الدى.
