Búgin Almatyda «Taza sailau» táýelsiz baiqaýshylardyń azamattyq qozǵalysy músheleri baspasóz brifingin ótkizdi, dep habarlaidy QazAqparat.
Qozǵalys músheleri Janna Ahmetova, Edýard Poletaev, Bigeldi Ǵabdýllin, Erqanat Kópjasaruly, Nur-Sultan qalasynan onlain qosylǵan jýrnalist Mahat Sadyq sailaý týraly oilarymen bólisti.
Qoǵamdyq belsendi Bigeldi Ǵabdýllin qozǵalys músheleriniń 1 aida atqarǵan jumysy týraly aitty.
«Bul qozǵalys Parlament sailaýynan 2 ai buryn quryldy. Osy aralyqta Almatyda 1 kúndik seminar ótkizdik. Ol seminarǵa 25 iri qala ókilderi qatysty. Qazaqstan boiynsha 5000 baiqaýshy daiyndadyq. Olardyń barlyǵy búgin sailaýǵa belsendi qatysady. Sonymen qatar, biz ashqan saiasatkerler mektebi baiqaýshylardyń saiasi bilimin shyńdai tústi», - dedi B.Ǵabdýllin.
Saiasattanýshy Edýard Poletaev «TAZA SAILAU» qozǵalysynyń qurylý maqsatyn aitty.
«Bizdiń jumysymyzdyń mańyzdylyǵy arandatýshylyqqa jol bermeýde. Sondai-aq, zańnyń ústemdigin qamtamasyz etý. Biz osylaisha eldiń tutastyǵyna, birligine qyzmet etemiz. Biz sailaý komissiiasynyń quzyrly jumysyna kedergi keltirmeimiz», - dedi Edýard Poletaev.
Aita ketý kerek, A lmatyda 507 sailaý ýchaskesi tańǵy 07:00-den bastap ashyldy. Daýys berý oryndary «QR Sailaý týraly» zańynyń, Ortalyq sailaý komissiiasynyń talaptaryna sai keledi.
507 ýchaskede 2535 meditsinalyq qyzmetker: 1014 dáriger, 1521 medbike jumys isteitin bolady. Odan bólek keibir sailaý ýchaskeleriniń janynda Jedel járdem kezekshilik etetin bolady.
