بٷگٸن الماتىدا «Taza sailau» تەۋەلسٸز بايقاۋشىلاردىڭ ازاماتتىق قوزعالىسى مٷشەلەرٸ باسپاسٶز بريفينگٸن ٶتكٸزدٸ, دەپ حابارلايدى قازاقپارات.
قوزعالىس مٷشەلەرٸ جاننا احمەتوۆا, ەدۋارد پولەتاەۆ, بيگەلدٸ عابدۋللين, ەرقانات كٶپجاسارۇلى, نۇر-سۇلتان قالاسىنان ونلاين قوسىلعان جۋرناليست ماحات سادىق سايلاۋ تۋرالى ويلارىمەن بٶلٸستٸ.
قوعامدىق بەلسەندٸ بيگەلدٸ عابدۋللين قوزعالىس مٷشەلەرٸنٸڭ 1 ايدا اتقارعان جۇمىسى تۋرالى ايتتى.
«بۇل قوزعالىس پارلامەنت سايلاۋىنان 2 اي بۇرىن قۇرىلدى. وسى ارالىقتا الماتىدا 1 كٷندٸك سەمينار ٶتكٸزدٸك. ول سەمينارعا 25 ٸرٸ قالا ٶكٸلدەرٸ قاتىستى. قازاقستان بويىنشا 5000 بايقاۋشى دايىندادىق. ولاردىڭ بارلىعى بٷگٸن سايلاۋعا بەلسەندٸ قاتىسادى. سونىمەن قاتار, بٸز اشقان ساياساتكەرلەر مەكتەبٸ بايقاۋشىلاردىڭ ساياسي بٸلٸمٸن شىڭداي تٷستٸ», - دەدٸ ب.عابدۋللين.
ساياساتتانۋشى ەدۋارد پولەتاەۆ «TAZA SAILAU» قوزعالىسىنىڭ قۇرىلۋ ماقساتىن ايتتى.
«بٸزدٸڭ جۇمىسىمىزدىڭ ماڭىزدىلىعى ارانداتۋشىلىققا جول بەرمەۋدە. سونداي-اق, زاڭنىڭ ٷستەمدٸگٸن قامتاماسىز ەتۋ. بٸز وسىلايشا ەلدٸڭ تۇتاستىعىنا, بٸرلٸگٸنە قىزمەت ەتەمٸز. بٸز سايلاۋ كوميسسيياسىنىڭ قۇزىرلى جۇمىسىنا كەدەرگٸ كەلتٸرمەيمٸز», - دەدٸ ەدۋارد پولەتاەۆ.
ايتا كەتۋ كەرەك, ا لماتىدا 507 سايلاۋ ۋچاسكەسٸ تاڭعى 07:00-دەن باستاپ اشىلدى. داۋىس بەرۋ ورىندارى «قر سايلاۋ تۋرالى» زاڭىنىڭ, ورتالىق سايلاۋ كوميسسيياسىنىڭ تالاپتارىنا ساي كەلەدٸ.
507 ۋچاسكەدە 2535 مەديتسينالىق قىزمەتكەر: 1014 دەرٸگەر, 1521 مەدبيكە جۇمىس ٸستەيتٸن بولادى. ودان بٶلەك كەيبٸر سايلاۋ ۋچاسكەلەرٸنٸڭ جانىندا جەدەل جەردەم كەزەكشٸلٸك ەتەتٸن بولادى.
