1 qazan kúni Taivannyń soltústik-shyǵysyndaǵy Ilan ýezinde kópir qulap, kem degende eki adam kóz jumdy, taǵy bir adam iz-túzsiz joǵaldy, dep habarlaidy QazAqparat The Jakarta Post gazetine silteme jasap.
Indoneziia SIM-de habarlaǵandai, indoneziialyq balyqshylar mingen qaiyq sol mezette kópirdiń astynan júzip bara jatqan.
«Eki adamnyń máiiti tabyldy, qutqarýshylar taǵy bir azamatty izdestirip jatyr», - dedi vedomstvo ókili.
Buǵan deiin taivandyq BAQ kópirdiń qulaýy kezinde 10 adamnyń zardap shekkeni týraly habarlaǵan edi.
Uzyndyǵy 140 metr, eni 15 metrlik kópir 1999 jyly Nanfanao balyqshylar portynyń aýmaǵynda salynǵan edi.
