Taiaý Shyǵys pen Ortalyq Aziiada tushy sý tóńiregindegi shielenis ýshyǵýy yqtimal. Bul týraly búgin Astana klýbynyń úshinshi otyrysynda sóz sóilegen Qazaqstan Prezidenti Nursultan Nazarbaev aitty, dep habarlaidy QazAqparat.
«Adamdardyń ómirin qamtamasyz etetin resýrstardyń shekteýligi problemasy da laiyqty nazarǵa alynyp otyrǵan joq. Eń aldymen, bul tushy sýdyń jetispeýshiligine qatysty. Ol úshin kúres memleketaralyq qarama-qaishylyqtyń kózine ainalýda. Sý resýrstarynyń tapshylyǵy Pákistan men Úndistannyń arasyndaǵy qarym-qatynasty ýshyqtyrdy. Biletinimizdei, ótken jyldyń kúzinde Úndistan 1960 jyldan jumys istep kele jatqan Ind ózeni jónindegi ekijaqty komissiianyń jumysyn toqtatatyndyǵyn málimdedi. Taiaý Shyǵys pen Ortalyq Aziiada da ýshyǵý yqtimaldyǵy joǵary», - dedi Qazaqstan Prezidenti.
Memleket basshysy Jer sharyndaǵy halyq sanynyń artýyna bailanysty álemniń jekelegen óńirlerinde azyq-túlik daǵdarysy oryn alýy múmkin ekendigin de eskertip ótti. Egistik alqaptarynyń qysqaryp, topyraqtyń qunarlylyǵy tómendep bara jatqanyn da eske saldy.
«Sarapshylardyń esepteýinshe, taiaý 40 jyldyń ishinde astyqtyń egistik alqaptaryn keminde 2 esege ulǵaitý qajet bolady. Bul rette eýraziialyq elderdegi, onyń ishinde aýyl sharýashylyǵy taýarlaryn iri óndirýshi retinde Qazaqstandaǵy aýyl sharýashylyǵyn intensifikatsiialaý da mańyzdy», - dedi Nursultan Nazarbaev.
