تاياۋ شىعىس پەن ورتالىق ازييادا تۇششى سۋ تٶڭٸرەگٸندەگٸ شيەلەنٸس ۋشىعۋى ىقتيمال. بۇل تۋرالى بٷگٸن استانا كلۋبىنىڭ ٷشٸنشٸ وتىرىسىندا سٶز سٶيلەگەن قازاقستان پرەزيدەنتٸ نۇرسۇلتان نازارباەۆ ايتتى, دەپ حابارلايدى قازاقپارات.
«ادامداردىڭ ٶمٸرٸن قامتاماسىز ەتەتٸن رەسۋرستاردىڭ شەكتەۋلٸگٸ پروبلەماسى دا لايىقتى نازارعا الىنىپ وتىرعان جوق. ەڭ الدىمەن, بۇل تۇششى سۋدىڭ جەتٸسپەۋشٸلٸگٸنە قاتىستى. ول ٷشٸن كٷرەس مەملەكەتارالىق قاراما-قايشىلىقتىڭ كٶزٸنە اينالۋدا. سۋ رەسۋرستارىنىڭ تاپشىلىعى پەكٸستان مەن ٷندٸستاننىڭ اراسىنداعى قارىم-قاتىناستى ۋشىقتىردى. بٸلەتٸنٸمٸزدەي, ٶتكەن جىلدىڭ كٷزٸندە ٷندٸستان 1960 جىلدان جۇمىس ٸستەپ كەلە جاتقان يند ٶزەنٸ جٶنٸندەگٸ ەكٸجاقتى كوميسسييانىڭ جۇمىسىن توقتاتاتىندىعىن مەلٸمدەدٸ. تاياۋ شىعىس پەن ورتالىق ازييادا دا ۋشىعۋ ىقتيمالدىعى جوعارى», - دەدٸ قازاقستان پرەزيدەنتٸ.
مەملەكەت باسشىسى جەر شارىنداعى حالىق سانىنىڭ ارتۋىنا بايلانىستى ەلەمنٸڭ جەكەلەگەن ٶڭٸرلەرٸندە ازىق-تٷلٸك داعدارىسى ورىن الۋى مٷمكٸن ەكەندٸگٸن دە ەسكەرتٸپ ٶتتٸ. ەگٸستٸك القاپتارىنىڭ قىسقارىپ, توپىراقتىڭ قۇنارلىلىعى تٶمەندەپ بارا جاتقانىن دا ەسكە سالدى.
«ساراپشىلاردىڭ ەسەپتەۋٸنشە, تاياۋ 40 جىلدىڭ ٸشٸندە استىقتىڭ ەگٸستٸك القاپتارىن كەمٸندە 2 ەسەگە ۇلعايتۋ قاجەت بولادى. بۇل رەتتە ەۋرازييالىق ەلدەردەگٸ, ونىڭ ٸشٸندە اۋىل شارۋاشىلىعى تاۋارلارىن ٸرٸ ٶندٸرۋشٸ رەتٸندە قازاقستانداعى اۋىل شارۋاشىلىعىن ينتەنسيفيكاتسييالاۋ دا ماڭىزدى», - دەدٸ نۇرسۇلتان نازارباەۆ.
