23 qarashada Taýly Qarabaqta mina jarylyp, Ázerbaijan áskeriniń ofitseri qaza boldy. Moiyndalmaǵan Taýly Qarabaq respýblikasynyń tórt turǵyny men bir reseilik sarbaz jaralanǵan.
Aqparat boiynsha, Reseidiń bitimger sarbazdary, Ázerbaijan áskerileri men moiyndalmaǵan Taýly Qarabaq respýblikasynyń tótenshe jaǵdai ministrligi jáne halyqaralyq Qyzyl Krest uiymynyń ókilderi Terter aýdanynda qaqtyǵysta qaza bolǵandardy izdestirý jumystaryn júrgizgen. Madagiz aýylyna kelgende áskeriler minany basyp ketip, jarylǵan. Resei qorǵanys ministrligi orys ofitseriniń ómirine qaýip joq dep málimdedi.
Resei qorǵanys ministrligi ókiliniń sózine súiengen memlekettik TASS agenttiginiń jazýynsha, qaqtyǵys kezinde qaza bolǵandardyń máiitin tabý jáne tapsyrýmen ainalysyp jatqan toptyń jumysty bastaǵandaryna bir aptadan asqan. Tabylǵan máiitter taraptarǵa jerleýge beriledi.
