23 قاراشادا تاۋلى قاراباقتا مينا جارىلىپ, ەزەربايجان ەسكەرٸنٸڭ وفيتسەرٸ قازا بولدى. مويىندالماعان تاۋلى قاراباق رەسپۋبليكاسىنىڭ تٶرت تۇرعىنى مەن بٸر رەسەيلٸك سارباز جارالانعان.
اقپارات بويىنشا, رەسەيدٸڭ بٸتٸمگەر ساربازدارى, ەزەربايجان ەسكەريلەرٸ مەن مويىندالماعان تاۋلى قاراباق رەسپۋبليكاسىنىڭ تٶتەنشە جاعداي مينيسترلٸگٸ جەنە حالىقارالىق قىزىل كرەست ۇيىمىنىڭ ٶكٸلدەرٸ تەرتەر اۋدانىندا قاقتىعىستا قازا بولعانداردى ٸزدەستٸرۋ جۇمىستارىن جٷرگٸزگەن. ماداگيز اۋىلىنا كەلگەندە ەسكەريلەر مينانى باسىپ كەتٸپ, جارىلعان. رەسەي قورعانىس مينيسترلٸگٸ ورىس وفيتسەرٸنٸڭ ٶمٸرٸنە قاۋٸپ جوق دەپ مەلٸمدەدٸ.
رەسەي قورعانىس مينيسترلٸگٸ ٶكٸلٸنٸڭ سٶزٸنە سٷيەنگەن مەملەكەتتٸك تاسس اگەنتتٸگٸنٸڭ جازۋىنشا, قاقتىعىس كەزٸندە قازا بولعانداردىڭ مەيٸتٸن تابۋ جەنە تاپسىرۋمەن اينالىسىپ جاتقان توپتىڭ جۇمىستى باستاعاندارىنا بٸر اپتادان اسقان. تابىلعان مەيٸتتەر تاراپتارعا جەرلەۋگە بەرٸلەدٸ.
