Armeniianyń Syrtqy ister ministri Zograb Mnatsakanian ázerbaijandyq jáne reseilik áriptesimen konsýltatsiia ótkizý úshin Máskeýge barady. Bul týraly Armeniianyń SIM baspasóz qyzmeti habarlady.
Armeniianyń Syrtqy ister ministri Zograb Mnatsakanian Máskeýge barady. Dál búgin sol jerde Ázerbaijan men Reseidiń syrtqy saiasatyna jaýapty basshylarmen konsýltatsiia júrgizedi.
«Kún tártibinde tek áskeri áreketterdi toqtatý máseleleri, jaýyngerlerdiń denesi men tutqyndardy ózara almasý boiynsha gýmanitarlyq máseleler qaralady», - dep habarlaidy Armeniia SIM baspasóz hatshysy Anna Nagdalian.
Aita keterligi, taiaýda taraptardyń qaqtyǵysy jaily RF prezidenti Vladimir Pýtin pikir bildirgen bolatyn. Ol taraptardy áskeri qimyldardy toqtatyp, Ázerbaijan men Armeniianyń SIM basshylaryn 9 qazanda Máskeýge shaqyrǵan edi.
Osyǵan orai Ázerbaijannyń Syrtqy ister ministri de Máskeýge barady. Buǵan deiin Djeihýn Bairamov EQYU-nyń Minsk tobyndaǵy teń tóraǵasymen kezdesý ótkizdi. EQYU-nyń Minsk tobyndaǵylarǵa Bakýdyń Taýly Qarabaqtaǵy qaqtyǵysty retteý boiynsha pozitsiiasy jetkizilgen.
Eske salsaq, 27 qyrkúiekte Ázerbaijan men Armeniia Taýly Qarabaqtaǵy jaǵdaidyń ýshyqqany týraly habarlaǵan edi.
