ارمەنييانىڭ سىرتقى ٸستەر مينيسترٸ زوگراب مناتساكانيان ەزەربايجاندىق جەنە رەسەيلٸك ەرٸپتەسٸمەن كونسۋلتاتسييا ٶتكٸزۋ ٷشٸن مەسكەۋگە بارادى. بۇل تۋرالى ارمەنييانىڭ سٸم باسپاسٶز قىزمەتٸ حابارلادى.
ارمەنييانىڭ سىرتقى ٸستەر مينيسترٸ زوگراب مناتساكانيان مەسكەۋگە بارادى. دەل بٷگٸن سول جەردە ەزەربايجان مەن رەسەيدٸڭ سىرتقى ساياساتىنا جاۋاپتى باسشىلارمەن كونسۋلتاتسييا جٷرگٸزەدٸ.
«كٷن تەرتٸبٸندە تەك ەسكەري ەرەكەتتەردٸ توقتاتۋ مەسەلەلەرٸ, جاۋىنگەرلەردٸڭ دەنەسٸ مەن تۇتقىنداردى ٶزارا الماسۋ بويىنشا گۋمانيتارلىق مەسەلەلەر قارالادى», - دەپ حابارلايدى ارمەنييا سٸم باسپاسٶز حاتشىسى اننا ناگداليان.
ايتا كەتەرلٸگٸ, تاياۋدا تاراپتاردىڭ قاقتىعىسى جايلى رف پرەزيدەنتٸ ۆلاديمير پۋتين پٸكٸر بٸلدٸرگەن بولاتىن. ول تاراپتاردى ەسكەري قيمىلداردى توقتاتىپ, ەزەربايجان مەن ارمەنييانىڭ سٸم باسشىلارىن 9 قازاندا مەسكەۋگە شاقىرعان ەدٸ.
وسىعان وراي ەزەربايجاننىڭ سىرتقى ٸستەر مينيسترٸ دە مەسكەۋگە بارادى. بۇعان دەيٸن دجەيحۋن بايراموۆ ەقىۇ-نىڭ مينسك توبىنداعى تەڭ تٶراعاسىمەن كەزدەسۋ ٶتكٸزدٸ. ەقىۇ-نىڭ مينسك توبىنداعىلارعا باكۋدىڭ تاۋلى قاراباقتاعى قاقتىعىستى رەتتەۋ بويىنشا پوزيتسيياسى جەتكٸزٸلگەن.
ەسكە سالساق, 27 قىركٷيەكتە ەزەربايجان مەن ارمەنييا تاۋلى قاراباقتاعى جاعدايدىڭ ۋشىققانى تۋرالى حابارلاعان ەدٸ.
