Katonqaraǵai ulttyq parkinde taýeshkilerdiń tutas bir úiiri fototuzaqqa túsip qaldy. Kadrdan atalyq, analyq jáne jas laqtardy birge kórýge bolady, dep habarlaidy ult.kz.
Katonqaraǵai ulttyq parkiniń aýmaǵyndaǵy fototuzaqtar taǵy da qyzyqty kadrlardy tirkedi. Kadrlardan atalyq, analyq taýeshkilerdi jáne ósip kele jatqan laqtardy birge kórýge bolady. Atalyqtaryn iri ári kólemdi múiizderinen ońai ajyratýǵa bolady, al analyqtarynyń múiizderi aitarlyqtai kishi.
Tóldegennen keiingi taýeshkilerdiń minez-qulqy da qyzyq. Eresek atalyqtar kóbine toptan bólinip ketse, jas atalyqtar analyqtar men laqtardyń janynda júre beredi. Sondyqtan keide fototuzaq obektivine eresek janýarlar men tólderi birge júrgen osyndai «otbasylyq» kadrlar túsip qalady.
Fototuzaqtar janýarlardy úrkitpei, olardyń tabiǵi tirshiligine aralaspai osyndai sátterdi baqylaýǵa múmkindik beredi. Bul kadrlar parktiń jabaiy janýarlaryn baqylap júrgen ormanshy Jomart Amanbaevtyń eńbeginiń arqasynda túsirildi.
