Foto: egemen.kz
Búginde Táýelsizdiktiń qurdastary 33 jastyń belesine shyqty. Biri áke, biri ana atansa, biri myqty maman, biri táýelsiz azamat bolyp qalyptasty. Osy oraida Ult.kz tilshisi Táýelsizdiktiń 33 belgisi men belesin tizbektep kórdi.
1. 1986 jylǵy 16 jeltoqsanda Almatyda sol kezdegi kommýnistik partiianyń 18 minýtqa sozylǵan jedel jiynynda Qazaqstanda Gennadii Kolbin elge basshy bolyp taǵaiyndaldy. Oǵan narazy bolǵan birneshe myń qazaq jasy 17 jeltoqsanda Almatynyń ortalyq alańyna jinalyp, narazylyǵyn bildirdi.
2. Qazaqstan 1990 jylǵy 25 qazanda «Qazaq KSR-iniń memlekettik egemendigi týraly deklaratsiia» qabyldady.
3. 1991 jylǵy 16 jeltoqsanda Qazaqstannyń Joǵarǵy keńesi «Táýelsizdik pen memlekettiń egemendigi týraly» zańdy qabyldady.
4. 1991 jylǵy 29 tamyzda Semei poligony jabyldy.
5. 1991 jylǵy 2 qazanda qazaqtyń tuńǵysh ǵaryshkeri Toqtar Áýbákirov Baiqońyrdan «Soiýz TM-13» kemesimen ǵaryshqa ushty.
6. Táýelsiz Qazaqstannyń alǵashqy Konstitýtsiiasy 1993 jylǵy 28 qańtarda HII shaqyrylǵan Qazaqstan Joǵarǵy Keńesiniń IH sessiiasynda qabyldandy.
7. Almaty qalasynda 1992 jylǵy 28 qyrkúiek pen 4 qazan aralyǵynda dúniejúzi qazaqtarynyń alǵashqy quryltaiy ótti.
8. 1992 jylǵy 7 mamyrda Memlekettik qorǵanys komiteti Qazaqstan Respýblikasynyń Qorǵanys ministrligi bolyp qaita quryldy.
9. 1992 jylǵy 22 mamyrda Qazaqstan IýNESKO quramyna endi.
10. 1992 jyldyń 4 maýsymynda Táýelsizdiktiń basty atribýttary – Tý men Eltańba bekitildi. Al 11 jeltoqsanda Ánurannyń mátini bekitildi.
11. 1992 jyldyń 2 naýryzynda Qazaqstan Birikken Ulttar Uiymyna múshelikke qabyldandy.
12. 1993 jyldyń 15 qarashasynda Ulttyq valiýta – teńge ainalymǵa endi.
13. 2000 jyly Prezident Jarlyǵymen Ulttyq qor quryldy.
14. 1995 jyldyń naýryz aiynda Qazaqstan halqy Assambleiasy quryldy.
15. 1996 jylǵy 16 jeltoqsanda Almatydaǵy Respýblika alańynda Qazaqstan Táýelsizdiginiń bes jyl tolýyna bailanysty «Táýelsizdik monýmenti» ashyldy.
16. 1997 jyldyń 20 qazanyndaǵy «Aqmola qalasyn Qazaqstan Respýblikasynyń astanasy dep jariialaý týraly» №3700 Jarlyqqa sáikes, Aqmola qalasy resmi túrde 1997 jyldyń 10 jeltoqsanynan astana bolyp sanalady.
17. 1997 jylǵy 1 qazanda Qazaqstan – 2030 strategiiasy – el damýynyń 2030 jylǵa deiingi kezeńge arnalǵan strategiialyq baǵdarlamasyn qabyldady.
18. 1999 jyly eki eldiń basshysy memlekettiń qaýipsizdigin qamtamasyz etý úshin «Qazaqstan – Qytai memlekettik shekara syzyǵyn demarkatsiialaý týraly hattamany bekitý» zańyna sáikes, shekaralyq máselelerdi tolyq rettep, qujatqa qol qoidy.
19. 2001 jyly «Batys Eýropa – Batys Qytai» jobasy bastaldy.
20. 2003 jyly Memleket basshysy Qazaqstan halqyna Joldaýynda «Mádeni mura» Memlekettik baǵdarlamasyn jasaýdy tapsyrdy.
21. 2009 jylǵy 19 mamyrda Qazaqstan Respýblikasynyń Bilim jáne ǵylym ministrliginiń №224 buiryǵymen - «Bolashaq» halyqaralyq stipendiiasy bekitildi.
22. 2010 jyly Eýropa qaýipsizdik jáne yntymaqtastyq uiymynyń Astana sammiti ótti.
23. 2017 jyly Astanada EKSPO halyqaralyq mamandandyrylǵan kórmesi ótti.
24. Almaty qalasynda 2017 jylǵy 29 qańtar men 8 aqpan aralyǵynda qysqy ýniversiada ótti.
25. Qazaq tilindegi «100 jańa oqýlyq» jobasy 2017 jyldan bastap júzege asyryla bastady.
26. 2019 jylǵy 19 naýryz kúni keshki saǵat 19:00-de Qazaqstan Prezidenti Nursultan Nazarbaev halyqqa beineúndeý joldap, óz ókilettigin toqtatatynyn málimdedi.
27. 2019 jylǵy 9 maýsymda ótken kezekten tys Prezident sailaýynda Qasym-Jomart Toqaev 70,96 paiyz daýys jinap, Qazaqstan Respýblikasynyń Prezidenti bolyp sailandy.
28. 2022 jyldyń 2 qańtarynda suiytylǵan gazdyń qymbattaýyna bailanysty Qazaqstanda bastalǵan narazylyq sharalary táýelsiz Qazaqstannyń 30 jyldyq tarihyndaǵy eń qatal qaqtyǵysqa ainaldy.
29. Memleket basshysy Qasym-Jomart Toqaevtyń el nazaryn aýdarǵan «Ádiletti memleket. Birtutas ult. Berekeli qoǵam» atty Qazaqstan halqyna Joldaýy jariialandy.
30. 2023 jylǵy 16 qarashada Memleket basshysy Qasym-Jomart Toqaev qazaqstandyqtardy halyq sanynyń 20 millionǵa jetýimen quttyqtady.
31. Prezident Q.Toqaevtyń Jarlyǵymen Almaty oblysyndaǵy Jetigen aýyly Alataý qalasyna ainalady. Bul týraly tiisti qujatqa 2024 jylǵy qańtarda Prezident Qasym-Jomart Toqaev qol qoidy.
32. «2024 jylǵy 6 qazanda ótken referendýmda el halqy «Qazaqstanda AES salýdy qoldaisyz ba?» degen saýalǵa jaýap berdi.
33. Qazaqstan BUU elektrondy úkimet boiynsha álemdik reitingisinde 24-orynǵa ie boldy. BUU reitingisi eki jylda bir ret jasalady jáne ol 193 eldiń arasynda ótkizilip, baǵalanady.
Aqbota Musabekqyzy
.jpeg)