Táýelsizdiktiń 30 jyldyǵynda keshendi reformalar júrgiziledi. Bul týraly 7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev aitty, dep habarlaidy "Ult aqparat".
«Jyldyń basynda sailaý ótkizý arqyly qiyndyqtarmen kúresip qana qoimai jańǵyrýǵa jol ashyp, jańa serpinge ie boldyq. Osy qarqyndy saqtap, baǵdarymyzdan jańylmaý óte mańyzdy. Sondyqtan Táýelsizdiktiń 30 jyldyǵynda keshendi reformalar júrgizildetin bolady», - dedi Memleket basshysy.
QR Prezidenti barlyq kúsh-jigerimizdi tiimdi memleket pen ádilet qoǵam qurýǵa jumyldyrýymyz kerektigin basa aitty.
«Basty basymdyq - halyqtyń turmys sapasyn jaqsartyp, ál-aýqatyn arttyrý. Jurt jasandy jetistikterdi emes, kózben kórip,qolmen ustaityn naqty nátijeni kútedi. Halyq ekonomikalyq jáne áleýmettik baǵdarlamalardyń jemisti bolǵanyn qalaidy. Biz osy maqsattaǵy aýqymdy jumystarǵa barlyq belsendi azamattardy tartamyz. Olardyń árqaisysy el taǵdyryna áser etetin sheshimderdi qabyldaýǵa ózderi tikelei qasatyndyǵyn bilgeni jón», - dedi Qasym-Jomart Toqaev.
