«Qazaqstan» teleradiokorporatsiiasynyń basqarma tóraǵasy Lázzat Tanysbai túrkitildes elderdiń memlekettik telearnalaryna birlesken telekópir uiymdastyrýdy usyndy, dep habarlaidy QazAqparat.
«Biyl Qazaqstan, Ózbekstan, Qyrǵyzstan, Ázerbaijan syndy túrkitildes elder óz táýelsizdiginiń 30 jyldyǵyn toilap jatyr. Sondyqtan osy 30 jyldyq sheńberinde Naýryz meiramy aiasynda memlekettik telearnalarǵa birigip, telekópir uiymdastyrýdy usynamyz. Bul bizdiń áriptester úshin ǵana emes, ortaq aýditoriiamyz úshin de qyzyqty bolar edi. Mysaly ótken jyly Qazaq radiosynyń 100 jyldyǵynda radiokópir uiymdastyrǵan edik. Oǵan Túrkiia, Ázerbaijan, Qyrǵyzstan, Ózbekstan, Mońǵoliia, Iran radiolarynyń tilshileri qatysqan edi. Bolashaqta da osyndai sharalardy birlesip ótkizýge shaqyramyz», - dedi Lázzat Tanysbai XVII Eýraziia mediaforýmynda «Túrkitildes elderdiń buqaralyq aqparat quraldary» atty dóńgelek ústelde.
Sonymen birge Lázzat Tanysbai túrkitildes elderdiń buqaralyq aqparat quraldaryn mádeni-tarihi baǵyttaǵy jobalardan bólek, qazirgi ýaqyttaǵy eń ózekti - koronavirýspen kúres taqyrybynda da birlese jumys isteýge shaqyrdy.
«Bir ǵana «Qazaqstan» teleradiokorporatsiiasy osy kúnge deiin bir jarym jylda koronavirýspen kúres jáne kórermenderdi vaktsina alýǵa shaqyratyn 160 shaǵyn rolik jasap, usyndy. Taqyryp jáne aýditoriia aldyndaǵy bizdiń mindetimiz – ortaq. Sondyqtan mundai rolikterdi bólisýge daiynbyz. Túrkitildes elder arnalaryndaǵy osy baǵyttaǵy ónimderdi óz tilimizge dýbliajdap, efirden usynýǵa ázirmiz», - dedi basqarma tóraǵasy.
