QR Ishki ister ministrligi «Raqymshylyq jasaý týraly» Qazaqstan Respýblikasynyń zań jobasyn qoǵam talqylaýyna usyndy, dep habarlaidy "Ult aqparat".
Memleket basshysynyń tapsyrmasyn oryndaý maqsatynda Ishki ister ministrligi Qazaqstan Respýblikasy Táýelsizdiginiń 30 jyldyǵyna orailastyryp, «Raqymshylyq týraly» zań jobasyn ázirledi.
Zań jobasynda qylmystyq jaýaptylyqtan bosatylýǵa jáne jazany óteý merzimderin qysqartýǵa jatatyn sottalǵandardyń sanattaryn aiqyndalǵan.
«Raqymshylyq azamattardyń áleýmettik osal toptaryna jáne azamattar men memlekettiń qaýipsizdigine eleýli qater tóndirmeitin qylmys jasaǵan, keltirilgen zalaldy ótegen adamdarǵa qatysty bolady», - dedi QR IIM-nen.
Joba «Ashyq NQA» internet-portalynyń «Quqyqtyq kómek» bóliminde ornalasqan. Ony talqylaý biylǵy 5 naýryzǵa deiin jalǵasady.
Eske salaiyq, byltyrǵy 29 qazanda Ishki ister ministrliginiń keńeitilgen alqa májilisine qatysqan Prezident Qasym-Jomart Toqaev Qazaqstan Táýelsizdiginiń 30 jyldyǵyna orai, azamattarǵa jáne jalpy memleketke qaýip keltirmeitin qylmys jasaǵan adamdarǵa amnistiia jasalatynyn jetkizdi.
