Astanada Ana men bala ulttyq ǵylymi ortalyǵy jáne Respýblikalyq diagnostikalyq ortalyǵynyń dárigerleri búgin 700-den astam balany qabyldap, keńes berdi.
2016 jylǵy 7 jeltoqsanda «University Medical Center» korporativtik qorynda Qazaqstan Respýblikasy Táýelsizdiginiń 25 jyldyǵy sheńberinde «25 qaiyrymdy is» aktsiiasy ótkizildi.
Atalǵan is-shara balalarǵa sapaly meditsinalyq kómek kórsetý maqsatynda «Nur Otan» partiiasy Astana qalalyq filialymen birlesip ótkizildi.
Aktsiia sheńberinde «University Medical Center» korporativtik qorynyń filialdary - Ana men bala ulttyq ǵylymi ortalyǵy jáne Respýblikalyq diagnostikalyq ortalyqtyń 14 túrli beiindegi 30-dan astam mamany: pediatr, hirýrg, ortoped, ýrolog, gepatolog, kardiolog, pýlmonolog, nefrolog, endokrinolog, gastroenterolog, nevropatolog dárigerler qabyldaýǵa kelgen balalardy qarap, keńester berdi.
Zertteý nátijesinde balalardyń biraz bóligi qosymsha tereńdetilgen diagnostikalyq zertteýge baǵyttaldy. Statsionarlyq emge muqtaj balalarǵa josparly emdeýge jatýǵa keńes berildi. Sondai-aq, tekserilgen balalardyń arasynan syrqaty kúrdeli balalar iriktep alyndy. Olarǵa 2017 jylǵy qańtar-aqpan ailarynda «University Medical Center» korporativtik qorynyń filialy Ana men bala ulttyq ǵylymi ortalyǵynda tegin meditsinalyq kómektiń kepildik berilgen kólemi aiasynda otalar jasaý josparlanyp otyr.
Jalpy búgingi aktsiia aiasynda dárigerler 700-den astam balany qabyldady.
