استانادا انا مەن بالا ۇلتتىق عىلىمي ورتالىعى جەنە رەسپۋبليكالىق دياگنوستيكالىق ورتالىعىنىڭ دەرٸگەرلەرٸ بٷگٸن 700-دەن استام بالانى قابىلداپ, كەڭەس بەردٸ.
2016 جىلعى 7 جەلتوقساندا «University Medical Center» كورپوراتيۆتٸك قورىندا قازاقستان رەسپۋبليكاسى تەۋەلسٸزدٸگٸنٸڭ 25 جىلدىعى شەڭبەرٸندە «25 قايىرىمدى ٸس» اكتسيياسى ٶتكٸزٸلدٸ.
اتالعان ٸس-شارا بالالارعا ساپالى مەديتسينالىق كٶمەك كٶرسەتۋ ماقساتىندا «نۇر وتان» پارتيياسى استانا قالالىق فيليالىمەن بٸرلەسٸپ ٶتكٸزٸلدٸ.
اكتسييا شەڭبەرٸندە «University Medical Center» كورپوراتيۆتٸك قورىنىڭ فيليالدارى - انا مەن بالا ۇلتتىق عىلىمي ورتالىعى جەنە رەسپۋبليكالىق دياگنوستيكالىق ورتالىقتىڭ 14 تٷرلٸ بەيٸندەگٸ 30-دان استام مامانى: پەدياتر, حيرۋرگ, ورتوپەد, ۋرولوگ, گەپاتولوگ, كارديولوگ, پۋلمونولوگ, نەفرولوگ, ەندوكرينولوگ, گاستروەنتەرولوگ, نەۆروپاتولوگ دەرٸگەرلەر قابىلداۋعا كەلگەن بالالاردى قاراپ, كەڭەستەر بەردٸ.
زەرتتەۋ نەتيجەسٸندە بالالاردىڭ بٸراز بٶلٸگٸ قوسىمشا تەرەڭدەتٸلگەن دياگنوستيكالىق زەرتتەۋگە باعىتتالدى. ستاتسيونارلىق ەمگە مۇقتاج بالالارعا جوسپارلى ەمدەۋگە جاتۋعا كەڭەس بەرٸلدٸ. سونداي-اق, تەكسەرٸلگەن بالالاردىڭ اراسىنان سىرقاتى كٷردەلٸ بالالار ٸرٸكتەپ الىندى. ولارعا 2017 جىلعى قاڭتار-اقپان ايلارىندا «University Medical Center» كورپوراتيۆتٸك قورىنىڭ فيليالى انا مەن بالا ۇلتتىق عىلىمي ورتالىعىندا تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ اياسىندا وتالار جاساۋ جوسپارلانىپ وتىر.
جالپى بٷگٸنگٸ اكتسييا اياسىندا دەرٸگەرلەر 700-دەن استام بالانى قابىلدادى.
