Sahnada túrli bezendirýler bolady. Eki júrgizýshi shyǵady.
1-júrgizýshi: Armysyzdar, asa qadirmendi kesh qonaqtary!
2-júrgizýshi: Kesh jaryq qadirli kórermender!
1-júrgizýshi: Ótkenin umytpaǵan, bahadúrlerin ulyqtaǵan ulan-ǵaiyr atyrapta búgin mereke! Bul mereke – Táýelsizdigimizge 25 jyl tolýy! Osynaý ulyq merekemiz qutty bolsyn aǵaiyn!
2-júrgizýshi: Iá, búgingi merekeniń orny ózge. Qanymen qara tasqa qashalyp, ǵasyrlar boiǵy arman-tilekti boiyna sińirip, saǵym jyldardyń elesin arqalap, asyǵa jetken armanymyz ǵoi bul. Dala tósinde terbelip turar Táýelsizdik besigi shartaraptaǵy saǵynyshtardy biriktireri sózsiz. Osy oraida, táýelsizdik jolynda sheiit bolǵan bozdaqtarymyzǵa búgingi urpaq tarapynan taǵzym retinde bir minýt únsiz eske alsaq. (Barlyǵy ornynan turady)
1-júrgizýshi: Keshimizdi bastamas buryn, qonaqtarymyzben tanystyryp ótsek: (kelgen qonaqtardy tanystyrady)
2-júrgizýshi: "Dariǵa, Dombyramdy bershi maǵan,
Janyma kelshi jarym, kelshi balam.
Beiýaq, ińirdegi kóńilime,
Kúi bolyp kúńirenip enshi dalam
Dombyram, júregimmen úndes ediń,
Senimen syrlasymdai tildesemin.
Babamnan qalǵan muram, sen bolmasań,
Ónerdiń ne ekenin bilmes edim". Áserli keshimizdiń shymyldyǵyn qazaqtyń qasietti qara dombyrasynan tógilgen qudiretti kúige berýdi jón kórip otyrmyz. Endeshe, ortalaryńyzda _______________________(bir kúi oryndaidy)
1-júrgizýshi: Bostandyǵym! Tosqan kúnim azaldan,
Jiyrma bes jyl – aspan kirsiz, ajarly án.
Sen kelgende serpilgenmin qaiǵydan,
Sen kelgende sary muńnan tazarǵam.
2-júrgizýshi: "Án kóńildiń ajary" demekshi, kelesi kezekti áýezdi ánge bereiik. (Patriottyq taqyryptaǵy án oryndalady)
1-júrgizýshi: Babalarymyzdyń qanymen, bileginiń kúshimen, naizasynyń ushymen kelgen kieli de qasietti táýelsizdiktiń qandai qiyndyqpen kelgeni barshamyzǵa málim bolsa kerek-ti. Ulyq merekemizdiń aiasynda táýelsizdik jolynda elimizdiń júrip ótken qadamdaryna nazar aýdaryp kórelik. (slaid kórsetiledi)
2-júrgizýshi: Boilaryńyz shymyrlap, rýhtaryńyz bir asqaqtap qalǵan shyǵar, iá?
1-júrgizýshi: Óz basym táýelsizdikten keiin týylǵan býynnyń ókili bola tura, bul egemendiktiń qandai jolmen kelgenin jaqsy bilemin. Qazaqstan úshin, qazaq halqy úshin táýelsizdik aspannan túsken syi emes edi. Halqymyz bostandyqty ańsap, táýelsizdikke zaryǵyp jetti. Ańsatqan azattyq jolynda elimiz az qiynshylyq kórgen joq. Táýelsizdik – ata-babamyzdyń ejelden kele jatqan armany. Halqymyzdyń bostandyqqa umtylysynyń jáne óshpes qaisar rýhynyń arqasynda táýelsizdikke qol jetkizdik. Bul kúnge deiin jetken umytylmas oqiǵalar – el bostandyǵyn qorǵaý soǵystary men ult-azattyq kóterilisterdiń tarihymyzda óshpes ónege, ólmes mura retinde saqtalatyny anyq.
2-júrgizýshi: Qazirgi tańda Táýelsizdik kúni – barlyǵymyz úshin erekshe qasietti kún. Birliktiń, yntymaqtastyq pen tatýlyqtyń kúni. Memleketimizdiń táýelsizdigi – eń aldymen halqymyzdyń baqyty, ultymyzdyń uly muraty.
(Habarlaýsyz, bir bi jiberiledi)
1-júrgizýshi: Bizdiń eń kieli, eń qasietti uǵymymyz – táýelsizdik. Azattyqtyń tamyry tym tereńde. Talai ǵasyrlar qoinaýyna kóz jiberip qarasańyz, osynaý táýelsizdiktiń qandai qiynshylyqpen, qandai azappen kelgenin túsinesiz. Otan, týǵan el, halyq uǵymyn táýelsizdikten bólip qarastyra almaimyz. Barlyǵy tamyrlas, bir-birimen bailanysyp jatqan ózegi bir uǵym. Táýelsizdiktiń iesi – halyq, halyqtyń anasy – Otan.
2-júrgizýshi: Jebesimin kóbe buzar túrkiniń,
Egesimin kúlli túrki jurtynyń.
Nazaryna túspese de dushpannyń,
Janaryma tunǵan shyqty irkidim.
(Kórinis _______________)
1-júrgizýshi: Iá.... Osynaý samarqaý kezeńniń urpaǵy bola tura myna bizder táýelsizdiktiń arqasynda erkin shalqyp ómir súrýdemiz.
2-júrgizýshi: Óte durys aitasyń, tolyqtai kelisem. Báigege at jibersek te, keń dalada kósilip oinasaq ta, bilesek te, án aitsaq ta osynyń bári babalarymyzdan qalǵan asyl muramyz, amanat bolǵan azattyqtyń arqasy. Endeshe, tatýlyq pen turaqtylyq aiasynda ómir súrip, beibitshilik, týyn biikke kótergen Qazaqstan halyqy jańa álemniń jarqyn jańalyqtaryna umtyla bermek.
1-júrgizýshi: Sen dese tynym tappaimyn mazamdai múldem,
Sen dese janym jahanǵa tajaldai kúlgen
Sen meniń uly muńymsyń taǵdyrym egiz
Sen meniń uly jyrymsyń jaza almai júrgen.
2-júrgizýshi: Qurmetti jinalǵan kópshilik qaýym, osymen bizdiń búgingi "Tuǵyry biik Táýelsizdik" atty keshimiz óz máresine jetti. Elimizdiń eńsesi biik, týymyzdyń tuǵyry berik, táýelsizdigimiz máńgi bolǵai. Kelesi kóriskenshe qosh saý bolyńyzdar!
Massaget
