Memleket basyshysy Qasym-Jomart Toqaev qazaqstandyqtardy Respýblika kúnimen quttyqtady, - dep habarlaidy "Ult aqparat" Aqorda saityna silteme jasap.
"Qurmetti otandastar!
Barshańyzdy Respýblika kúnimen shyn júrekten quttyqtaimyn!
Qazaqstannyń Memlekettik egemendigi týraly deklaratsiia qasterli Táýelsizdigimizge jol ashty.
Sondyqtan bul tarihi qujattyń mán-mańyzy zor.
Biz biyldan bastap Respýblika kúnin ulttyq mereke retinde jańa mazmunda atap ótemiz. Osy bastama jurttyń keń qoldaýyna ie bolyp, dástúrge ainalaryna senimdimin.
Respýblika kúni - halqymyzdyń rýhyn kóterip, eldigimizdi nyǵaitatyn, birligimizdi bekemdep, yntymaǵymyzdy arttyratyn aishyqty mereke.
Biz Ádiletti Qazaqstandy qurýǵa kiristik. Barsha qazaqstandyqtar belsene atsalysqanda ǵana osy igi maqsatqa qol jetkize alamyz. Sebebi memlekettiń tiregi de, basty bailyǵy da - azamattar!
Jańǵyrǵan ulttyq merekemizge orai óńirlerde birligimizdiń simvoly - kók bairaǵymyzdy kóterýge arnalǵan saltanatty rásim ótedi. Bul - urpaq sanasynda otansúigishtik qasietti, eldik rýh pen ulttyq ustanymdy bekemdei túsetin mańyzdy shara. Kók týymyz - egemendik, azattyq, birlik, beibitshilik syndy izgi qundylyqtardy ushtastyratyn qasterli rámiz.
Biz - bairaǵyn biik ustaǵan babalardyń urpaǵymyz. Sondyqtan tý kóterý rásimi ulttyq merekeniń mańyzyn arttyrady.
Qazaqstannan basqa Otanymyz joq. Baǵdarymyz - aiqyn, maqsatymyz - ortaq.
Biz táýelsizdik tuǵyryn biik ustap, memlekettigimizdi nyǵaita beremiz. Óitkeni Otanymyz - bir, memleketimiz - bir, halqymyz - bir.
Endeshe Ádiletti Qazaqstandy birge quraiyq!
Barshańyzǵa zor densaýlyq, baq-bereke tileimin!
Elimizdiń egemendigi baiandy bolsyn!", - delingen habarlamada.
