Búgin Ortalyq kommýnikatsiialar qyzmetinde Antarktidaǵa barǵan «Táýelsizdik Poliýsi» ǵylymi-zertteý ekspeditsiiasynyń qorytyndysy týraly baspasóz-konferentsiiasy ótti. Esterińizge sala ketsek, poliarlyq ekspeditsiia elimizdiń Táýelsizdiginiń 25-jyldyǵyna arnalyp, Qazaqstan halqy Assambleiasynyń qamqorlyǵymen ótkizildi.
42 kúnniń ishinde ekspeditsiia músheleri Vinson shyńyna shapshań shyǵyp, Ońtústik poliýske shańǵymen jetip, Antarktidanyń qahyraǵan aiazynda ǵylymi zertteýler júrgizip qaitty. Ekspeditsiiaǵa ǵalymdr men atletter qatysty, olar – komanda kapitany Maǵjan Saǵymbaev, sportshylar Iýrii Iýshin, Iliias Ǵalymbekov, ǵylymi qyzmetkerler Dáýlet Sháripov, Arman Baimuhamedov pen komandanyń jalǵyz arýy - Áliia Ernazarova.
"Jobanyń barlyq úsh kezeńi – Vinson shyńyna shyǵý,shańǵy ekspeditsiiasy men ǵylymi zertteýlerdi júrgizý sátti aiaqtaldy. Elimizdiń tarihynda alǵash ret Táýelsizdik Kúni Qazaqstannyń memlekettik týy Antarktidanyń eń biik núktesine kóterildi. Ekspeditsiia qatysýshylary qazaqstandyqtarǵa eki ret syilyq syilady – 16 jeltoqsanda Vinson shyńynan quttyqtap jáne 31 jeltoqsanda jerdiń Ońtústik poliýsinen jańa jyl qarsańynda quttyqtaý sózderin joldady. Ekspeditsiia kóptegen qushtar adamdardyń at salysýynyń arqasynda júzege asty. Osyǵan orai, men shyn júrekten Qazaqstandyq ulttyq geografiialyq qoǵamy QazaqGeography Qamqorshylyq Keńesiniń Tóraǵasy Kárim Másimovke jáne QazaqGeography Basqarma Keńesiniń Tóraǵasy Qanat Baiǵaringe, QHA tóraǵa orynbasary Eraly Tuǵjanovqa, aqparat jáne kommýnikatsiialar ministri Dáýren Abaevqa, «Báiterek» holdinginiń basqarma tóraǵasy Erbolat Dosaevqa, «Qazaq Geografiialyq Qoǵamy» QB Qamqorshylar keńesiniń tóraǵasyna Nurlan Abdýovqa, Nazarbaev Ýniversitetiniń Prezidenti Shigeo Katsýǵa, ál-Farabi atyndaǵy QazUÝ-niń rektory Ǵalymqaiyr Mutanovqa, D.S. Asfendiiarov atyndaǵy QazUMÝ-niń birinshi prorektory Núrgúl Hamzinaǵa, sonymen birge jýrnalisterge, blogerlerge jáne barsha Qazaqstan halqyna bizge senim artyp, qoldaý kórsetkenderińiz úshin alǵysymdy bildiremin. Shyn júrekten sizderge úlken raqmet!", - dep «Qazaq Geografiialyq Qoǵamy» QB Tóralqa Tóraǵasy Tólegen Tastanbekov baiandady.
Atletter Maǵjan Saǵymbaev, Iýrii Iýshin, Iliias Ǵalymbekov men dáriger Dáýlet Sháripov – Ońtústik poliýske barǵan alǵashqy qazaqstandyq shańǵy ekspeditsiiasynyń qatysýshylary, 11 kúnniń ishinde 217 shaqyrymdy muzdyń ústimen júrip ótkender, dúnie júzindegi eń jas komandalarynyń biri bolyp sanalýy múmkin. Ekspeditsiia músheleriniń ár qaisysyna áli 30 jas tolmasa da, Antarktikany baǵyndyrǵan úlken tájiribeli, mamandar.
"Ekspeditsiia kapitany bolǵanym men úshin úlken qurmet, sol sebepten bizdiń komandamyzdyń árbir múshesi 100%-ǵa jumys istedi dep senimmen aita alamyn. Qiyn jaǵdailarda bir-birimizge tirek bolyp, qoldaý kórsetkende óz kásibi salalarymyzda birneshe jyldar boiy jinaǵan daǵdylarymyzben bólise bildik. Bizge qoldaý kórsetip, senim artqan barsha qazaqstandyqtarǵa alǵysymdy bildiremin. Antarktidaǵa ekspeditsiia barysynda jinaǵan baǵa jetpes ómirlik tájiribe úshin jáne biregei múmkindik úshin QazGeo-ge jáne meniń dostaryma alǵysym sheksiz»,- dep QazaqGeography Almaty q. óńirlik ókildiginiń basshysy, ekspeditsiia tobynyń jetekshisi Maǵjan Saǵymbaev baiandady.
Ekspeditsiianyń ǵylymi bólimine biologiia salasynda jáne Antarktidanyń tótenshe jaǵdaiynda adam fiziologiiasyna áser beretin derekterdi taldaǵan jas qazaqstandyq ǵalymdardyń zertteýleri endi. Zertteýlerdiń nátijesi boiynsha dóńgelek ústel men sheber-synyptary ótkizilmek.
"Antarktida - eń syrly jáne qyzyqty zertteý nysany. Álemniń kóptegen ǵalymdary ony zerttegileri keledi, sol sebepten biz ǵylymi-zertteý ekspeditsiianyń bir bóligi bola alǵanymyzǵa qýanyshtymyz. Bizdiń ǵylymi tobymyz adam densaýlyǵy men qorshaǵan ortany qorǵaý salasynda zertteýler júrgizý úshin kóptegen derekter jinap aldy. Iýnion Gletcher bazasynda bolǵanymyzda sheteldik ǵalymdarmen tanysyp, Antarktidany zerttegen jetekshi elderdiń zertteý tájiribelerin qabyldap keldik. Alynǵan málimetter men aqparlar óńdelip, taldaýdan ótkizilip jatyr"-dep, ekspeditsiianyń ǵylymi qyzmetkeri Arman Baimuhamedov baiandady.
2011 jyldan 2017 jylǵa deiin úsh poliarlyq ekspeditsiialardyń quramynda QazGeo komandasynyń 15 múshesi Arktika men Antarktikada bolyp qaitty. Arktikalyq jáne Antarktikalyq baǵdarlamalardyń jetekshisi Nurlan Abdýov aitýynsha, alǵashqy antarktikalyq avtokólikti ekspeditsiianyń qatysýshylary baǵdardy shapshań júrip ótkenderi úshin Ginness kitabynyń rekordsmenderi ataldy. 2014 jyly memlekettik organdarmen birigip jumys istegenniń nátijesinde 1959 jylǵy Antarktika týraly Kelisimge Qazaqstannyń qosylýy týraly Prezident Jarlyǵyna qol qoiyldy.
«Táýelsizdik Poliýsi» ekspeditsiiasy Qazaqstan halqy Assambleiasynyń qamqorlyǵymen, sonymen qatar «Qazaqstandyq Ulttyq Geografiialyq Qoǵamy» (Qazaq Geography) Respýblikalyq Qoǵamdyq Birlestiginiń demeýimen ótkizildi. Jobanyń bas seriktesteri retinde «Báiterek» Ulttyq Basqarý Holdingi, seriktesteri - Nazarbaev Ýniversiteti, ál-Farabi atyndaǵy QazUÝ men D.S. Asfendiiarov atyndaǵy QazUMÝ qatysty. Ǵylymi-zertteý ekspeditsiiasyn Qazaq Geografiialyq Qoǵamy uiymdastyrdy.
.jpeg)