Elordada biýdjettik salasynyń 39 072 qyzmetkeri Qazaqstan Respýblikasy Táýelsizdiginiń 25 jyldyǵyna orai syiaqy alady, - dep habarlaidy "Ult aqparat" elorda ákimdiginiń saityna silteme jasap.
Ákimdiktegilerdiń aitýynsha, biýdjettik jáne áleýmettik sala qyzmetkerlerine, memlekettik qyzmetkerlerge bir rettik eńbekaqy tóleý úshin biýdjetten 1 milliard 900 million teńgege jýyq qarjy bólinedi eken. Sondai-aq, kommýnaldyq kásiporyndardyń jumyskerlerine de syiaqy beriletini habarlandy.
Sonymen qatar, 2016 jyldyń 16 jeltoqsanynda Táýelsizdik kúnine orai 1986 jylǵy jeltoqsan oqiǵalaryna qatysýshylarǵa 70 myń teńgeden bólý josparlanǵan.
Buǵan qosa, az qamtylǵan azamattarǵa (18 jasqa deiingi balalarǵa taǵaiyndalyp, tólenetin memlekettik járdemaqy alýshylar qatarynan) járdemaqylar tólenedi.
"Halyqtyń áleýmettik qorǵalmaǵan toptaryna aqshalai jáne basqa da kómek túrleri Astana ákimi jariialaǵan "Astana - meiirimdi qala" aktsiiasy sheńberinde de kórsetilýde, bul shara jeltoqsan aiynyń sońyna deiin jalǵasady. Ai bastalǵaly ákimdiktiń, biýdjettik uiymdardyń qyzmetkerleri, memlekettik qyzmetkerler, eńbek ujymdary jáne qaiyrymdy jandar balalar úilerine, soǵys jáne eńbek ardagerlerine, kóp balaly otbasylarǵa, múgedekterge jáne t.b. kómek kórsetýde. Atalǵan aktsiiaǵa kásipkerler qaýymy da qoldaý kórsetýde", - delingen ákimdiktiń habarynda.
.jpeg)