1991 jyldan beri elimizge 1 millionnan astam qandas kóship keldi. Bul týraly S. Seifýllin atyndaǵy Qazaq agrotehnikalyq ýniversitetiniń professory, ekonomika ǵylymdarynyń kandidaty Qairat Bodaýhan aityp berdi, dep habarlaidy QazAqparat.
«Kóship kelgen oralmandardyń demografiialyq úlesiniń arqasynda táýelsizdik jyldary teris kóshi-qon saldosy deńgeiin 28% tómendete aldyq. Sonymen birge, aldaǵy ýaqytta da Kóshi-qon saiasatynyń 2017-2021 jyldarǵa arnalǵan tujyrymdamasyna sáikes, shetelde turatyn etnikalyq qazaqtardyń tarihi otanyna oralýy ósetin bolady», - dedi Qairat Bodaýhan «Otandastar qory» KEAQ janyndaǵy qoǵamdyq komissiianyń otyrysynda.
Eńbek jáne halyqty áleýmettik qorǵaý ministrligi keltirgen derekterge sáikes, 1991-2019 jyldary Qazaqstanǵa 1 057 288 qandas kóship kelgen.
Alaida, 2012 jyldan bastap jalpy respýblika aýmaǵynan ketýshiler sany elge kelýshiler sanynan edáýir asyp ketken.
«Joǵaryda atalǵan Tujyrymdama qabyldanǵan sátten bastap, iaǵni 2017 jyldan bastap, jyl saiynǵy kóshi-qonnyń teris saldosy turaqty túrde ósip keledi jáne minýs 30 myń adamǵa jetken. Tek ótken jyly elden 45 225 adam kóship ketken», - deidi Q. Bodaýhan.
