1991 جىلدان بەرٸ ەلٸمٸزگە 1 ميلليوننان استام قانداس كٶشٸپ كەلدٸ. بۇل تۋرالى س. سەيفۋللين اتىنداعى قازاق اگروتەحنيكالىق ۋنيۆەرسيتەتٸنٸڭ پروفەسسورى, ەكونوميكا عىلىمدارىنىڭ كانديداتى قايرات بوداۋحان ايتىپ بەردٸ, دەپ حابارلايدى قازاقپارات.
«كٶشٸپ كەلگەن ورالمانداردىڭ دەموگرافييالىق ٷلەسٸنٸڭ ارقاسىندا تەۋەلسٸزدٸك جىلدارى تەرٸس كٶشٸ-قون سالدوسى دەڭگەيٸن 28% تٶمەندەتە الدىق. سونىمەن بٸرگە, الداعى ۋاقىتتا دا كٶشٸ-قون ساياساتىنىڭ 2017-2021 جىلدارعا ارنالعان تۇجىرىمداماسىنا سەيكەس, شەتەلدە تۇراتىن ەتنيكالىق قازاقتاردىڭ تاريحي وتانىنا ورالۋى ٶسەتٸن بولادى», - دەدٸ قايرات بوداۋحان «وتانداستار قورى» كەاق جانىنداعى قوعامدىق كوميسسييانىڭ وتىرىسىندا.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸ كەلتٸرگەن دەرەكتەرگە سەيكەس, 1991-2019 جىلدارى قازاقستانعا 1 057 288 قانداس كٶشٸپ كەلگەن.
الايدا, 2012 جىلدان باستاپ جالپى رەسپۋبليكا اۋماعىنان كەتۋشٸلەر سانى ەلگە كەلۋشٸلەر سانىنان ەدەۋٸر اسىپ كەتكەن.
«جوعارىدا اتالعان تۇجىرىمداما قابىلدانعان سەتتەن باستاپ, ياعني 2017 جىلدان باستاپ, جىل سايىنعى كٶشٸ-قوننىڭ تەرٸس سالدوسى تۇراقتى تٷردە ٶسٸپ كەلەدٸ جەنە مينۋس 30 مىڭ ادامعا جەتكەن. تەك ٶتكەن جىلى ەلدەن 45 225 ادام كٶشٸپ كەتكەن», - دەيدٸ ق. بوداۋحان.
