2016 jylǵy 1 qarashada Qazaqstan Respýblikasynyń Memlekettik hatshysy G.N. Ábdiqalyqova Qazaqstan Respýblikasy Táýelsizdiginiń 25 jyldyǵyna arnalǵan Qazaqstan halqy Assambleiasynyń «Táýelsiz Qazaqstan» poiyzy respýblikalyq aktsiiasyn ashyp berdi.
Aktsiianyń maqsaty Elbasy, Qazaqstan Prezidenti N.Á. Nazarbaevtyń basshylyǵymen elimizdiń Táýelsizdik jyldary qol jetkizgen jetistikterin pash etý, «Máńgilik El» jalpyulttyq idesynyń negizinde halyqtyń birligin nyǵaitý bolyp tabylady.
Quttyqtaý sózinde Gúlshara Ábdiqalyqova aktsiia qazaqstandyq biregeilikti nyǵaitýdy jáne damytýdy qamtamasyz etip, jańa qazaqstandyq patriotizmdi tárbieleý isine úles qosady dep atap ótti.
Aktsiianyń ashylý rásiminde QR Parlamenti Májilisi Tóraǵasynyń orynbasary – Vladimir Bojko, Qazaqstan halqy Assambleiasy Tóraǵasynyń orynbasary – Eraly Toǵjanov, QR Parlamenti Májilisiniń depýtattary, QHA, etnomádeni jáne jastar birlestikteriniń ókilderi, qoǵam qairatkerleri, ǵylymi jáne shyǵarmashyl ziialyq qaýym, «Qazaqstan Temir Joly» UK AQ qyzmetkerleri, qala turǵyndary qatysty.
«Táýelsiz Qazaqstan» poiyzy 43 kún boiy elimizdiń barlyq óńirlerinde bolyp 35 eldi mekende aialdama jasaidy jáne óz jumysyn 14 jeltoqsanda Almaty qalasynda aiaqtaidy.
Osy kezeń ishinde jergilikti jerlerdegi azamattardyń naqty máseleleri sheshilip, meditsinalyq, áleýmettik, quqyqtyq kómek kórsetiledi, sondai-aq kásipkerlik, aýyl sharýashylyǵy jáne t.b. salalarda keńester beriledi.
Aktsiia barlyq áleýmettik toptardy qamtidy, turǵyndardyń áleýmettik az qamtylǵan bóligine, UOS ardagerlerine, shalǵai eldi meken turǵyndaryna erekshe nazar aýdarylatyn bolady.
Aktsiiaǵa QR Parlamentiniń depýtattary, Qazaqstan halqy Assambleiasynyń músheleri, memlekettik organdardyń ókilderi, mádeniet jáne sport qairatkerleri, meditsina jáne áleýmettik sala qyzmetkerleri qatysady.
.jpeg)